Комиа-роча ботаника кывкуд

1сад

¹ сад Бӧрӧ кольӧны пожӧма и коръя вӧръяс, паськыд муяс и садъяс, оз тӧдчы некутшӧм дзескыдлун. И. Торопов, Видза колян, мушкетёр! кп. сад, удм. мерттос ² комнатный цветок, видз. дзоридз³ – – – гоз-мӧд улӧс стен пӧлӧныс тотшвидзӧны, гӧгрӧс пызаныс сыръя дӧраӧн вевттьӧма, «Рекорд» телевизор бокын, вижӧн краситӧм кока пельсаын, гӧрд чветъяса роза сад мичмӧдӧ ичӧтик вежӧссӧ. В. Безносиков, Ӧкуль тьӧтлӧн гӧсть. кп. сад

2сад вӧдитӧм

садоводство, видз. молля пуяс быдтӧм кп. садоводство, удм. сад будэтон

3садитны

сажать, посадить, видз. пуктыны кп. садитны

4садитны пуяс

сажать деревья, посадить деревья Тулысъясын [бать] нулывліс миянӧс выль керка дорӧ садитны пуяс да чукӧртны лӧп-ёг. Весалам вӧлі кос увъяс йӧр пытшкысь и матігӧгӧрса вӧр діясысь. А. Игнатова, Веж видз вывті батькӧд.

5садитӧм

посадка, посаженный, видз. пуктӧм кп. садитӧм

6садитӧм вӧр

посаженный лес И вочасӧн мылькйӧсьджык пондіс лоны му эжыс... Гашкӧ, и садитӧм вӧръяс ставыс. Пожӧмъясыс, дерт, абу миян гулыд ягъясын кодьӧсь — увйӧсьджыкӧсь и чукляджыкӧсь – – –. И. Торопов, Видза колян, мушкетёр!

7сад йӧр

палисадник, видз. ӧшинь ув сад йӧр А керка водзас — сад йӧр, торъя потшӧсӧн гӧгӧртӧдӧма, пелысь да льӧм пу сэні ёна паськалӧмаӧсь... И. Торопов, Тіянлы водзӧ овны.

8сад садитны

сажать сад, посадить сад — Мый нӧ этайӧс [керкасӧ] оз косявны ли мый ли? — эг ӧтчыдысь нин гортӧ волігъясӧн шулы мамӧлы. Пемыд вуджӧр моз, мися, улич вывсӧ миянлы тупкӧ. Ми кӧть нин сад садитлім сы местаӧ ли мый ли. Н. Куратова, Кузьмич.

9сакарнӧй свеклӧ

сахарная свёкла Асьныс воысь воӧ унджык турун тшӧктісны кӧдзны, а таво гӧрны тшӧктӧны кукуруза да сакарнӧй свеклӧ. И. Изъюров, Лун заводитчӧ асывсянь. кп. сахарнӧй свёкла, удм. сахар кушман

10салат

салат Ӧгурцы, яблӧг, помидор, укроп, салат, лук гум пызан вылӧ гожӧмын вайны бурджык сійӧ кадӧ, кор тӧлысьыс вель нин ыджыд «Р» буква кодь либӧ гӧгрӧс. Сэки град выв сорваыс чӧскыд, сӧкъя, небыд. Астрология да урожай, «Войвыв кодзув». кп. салат, удм. салат

11салат кор

салатный лист — Зинаида Павловна вунӧдӧма нин сійӧ кадсӧ, — шуткаӧн моз содтіс Квитко, — кодыр ми ставӧн вӧвлім радӧсь чунь кузя быд лук турунлы, кӧпейка пасьта быд салат корлы, моль ыджда редислы. В. Юхнин, Тундраса бияс. кп. салат лист, удм. салат куар

12сарӧга кор (ситурунлӧн, огурцылӧн)

шероховатый лист кп. неволькыт лист, удм. шакырес куар

13сарӧга кырсь (коз пулӧн)

шероховатая кора кп. неволькыт кач, удм. шакырес кур

14сарӧга сирпу

вяз шершавый