21. кож

    Кож-влак, гӱжлен, сӱанватыла кок велке тайныштыт. А. Юзыкайн. Ели, шумя, как свадебные поезжанки, в обе стороны покачиваются.

22. колымаш

    Да, бой! Тыштат кок вий шогале: ик велым — колымаш, шем кишке гае чер, вес велым — илыш, шошо кече гае. А. Мокеев. Да, бой! И здесь две силы встали: с одной стороны — смерть, болезнь точно гадюка, с другой стороны — жизнь, как весеннее солнце.

23. комешталташ

    Йолем пешак коржеш, кучылт ончышым: кок йолемге вӱр дене кӱр гай комешталт шинчын. «У вий». Ноги сильно ноют, пощупал: обе мои ноги покрыты засохшей кровью, словно лубком.

24. коҥга

    Кок велнат коҥга-влак тулыкеш кодшо гай шогат. А. Тимофеев. По обеим сторонам печи стоят как сироты.

25. корнывож

    Пушеҥге парняла кокыте шелалт, кок веке кайыше корнывожыш миен шумекына (кугызай) чарнен шогале. А. Юзыкайн. Когда мы дошли до перекрёстка двух дорог, что расходились в две стороны, как крона дерева, дед остановился.

26. кугемаш

    Микитан кок шинчажат чарка пундаш гай кугемын. М.-Азмекей. У Микиты оба глаза расширились, как дно чарки.

27. кумык

    Андрий, изи чома гай вуйжым кумык ыштен, апшат-кудо йыр кок гана куржын савырныш. Я. Ялкайн. Андрий, понурив голову, как маленький жеребёнок, обежал кузницу два раза.

28. кушташ

    Сӧрымӧ сорта семын нерынчен куштымо эргыже, граждан сар гыч кок костыль ӱмбак эҥертен, ачажын суртышко шогалынат, Эвай ӧрткышӧ гай кок кидше дене кок эрдыжым роп перен колтен. М. Шкетан. Когда сын, которого воспитывал и берёг, словно свечу, обещанную для молитвы, вернулся с гражданской войны, опираясь на костыли, Эвай от удивления хлопнул себя по бёдрам.

29. куэ

    Корно кок велысе шала парчан ладыра шоло, шоҥгыеҥла койшо кадыр куэ да шке ешышт дене посна-посна кушшо тыгыде вондер-влак ӧрын ончен кодшыла койыт. А. Юзыкайн. Кажется, что смотрят удивлённо остающиеся по обеим сторонам дороги раскидистый вяз с гибкими ветвями, кривая берёза, похожая на старого человека, и мелкие кустарники, растущие отдельно своими семьями.

30. кӱжгӧ

    Таныш марий йылмым илышыш пуртымо нерген кӱпчык гай кӱжгӧ кок кагаз тӱшкам шкап гыч ӱстембак луктын кудалтыш. Д. Орай. Таныш выложил из шкафа на стол две толстые, как подушки, кипы бумаг о внедрении марийского языка в жизнь.

31. кыша

    Кок кыша. Лӱҥгалтыш гай кок кыша. В. Колумб. Два следа. Подобные качелям, два следа.

32. кышкылташ

    Сакар кок пудан кирым капка гоч мечыла кышкылтеш ыле. М. Шкетан. Сакар двухпудовые гири кидал за ворота, как мячи.

33. лаке

    Шыргыжалме шӱргыначкажын кок велыштыжат изи темдалтыш гай лакым ышта. А. Юзыкайн. От улыбки на щеках с обеих сторон появляются ямочки, как маленькие вмятины от надавливания.

34. леведаш

    Кок могырым, пырдыжла койын, нулгер леведеш. М. Шкетан. С двух сторон стеной стоит (букв. покрывает) пихтовый лес.

35. лукташ

    Угыл шеҥгеч вуйжым пырысла луктын, Трофим урем кутынек кок могырыш ончыштеш. Н. Лекайн. Высунув голову из-за угла, как кошка, Трофим оглядывает улицу вдоль с обеих сторон.

36. лумаҥаш

    Терыште шинчыше кок еҥ лум чуҥгала коеш. Н. Лекайн. Два человека, сидящие в санях, похожи на снежные скульптуры.

37. лупшаш

    Мундыра марий, кӱчык кӱжгӧ кидшым шеҥгекыла ыштен, ларката лудо гай капшым кок век лупшен, пӧлем мучко коштеш. А. Эрыкан. Мужчина-колобок, закинув назад короткие толстые руки, раскачиваясь, как низкорослая жирная утка, ходит по комнате.

38. лупшкедаш

    Ваче ӱмбаланже шаралтен пыштыме йошкар пеледышан кашемир солыкшым лыве шулдырла кок кидше дене лупшкеден, Элайжат намысыш ынеж пуро. Моштымыжо да кертмыж семын кушта. А. Юзыкайн. Размахивая, словно бабочка крыльями, наброшенным на плечи кашемировым платком с красными цветами, и Элай не хочет осрамиться. Как может и как умеет танцует.

39. лӱйымӧ

    Кок гана почела лӱйымӧ йӱк кӱдырчыла раскалтеш. Ю. Байгуза, В. Пектеев. Дважды подряд раздаётся, как гром, звук выстрела.

40. лӱҥгалташ

    Кӱш нӧлталме кидше ӱлыкӧ волаш тӱҥале да шкежат руалме кушкыл семын кок могырыш лӱҥгалте. В. Иванов. Вскинутая вверх рука стала опускаться вниз, и сам он закачался, как срубленное растение.