1281. шола

    Туныктышо-влакат Егорын шола оян улмыжлан кугунак ӱшанен огытыл ала-мо. А. Эрыкан И учителя, видимо, не очень-то верили левым взглядам Егора.

1282. шолаш

    Ведра пурыман калай атыште ала-мо шолеш. З. Каткова В ведёрной жестяной посуде что-то кипит.

1283. шолкынан

    Ала шолкынан ӱжаран шып кастене чалемше Урал шинчашкет шыжыктен канде вӱдшым тылат. А. Савельев Может быть, прохладным тихим закатным вечером седой Урал плеснул в твои глаза свою голубую воду.

1284. шоло

    Тыште, олык ден куп коклаште, ала-мыняр шӱдӧ ияш шоло, тумо кушкыт. В. Иванов Здесь, среди лугов и болот, растут многовековые вязы и дубы.

1285. шолткаш

    Ала-кушто адак пулемёт шолткаш тӱҥале. И. Васильев Где-то опять стал стучать пулемёт.

1286. шолткымо

    Шып. Коклан гына ала-кушто станковый пулемёт шолткымо шергылтеш. Н. Лекайн Тишина. Лишь изредка где-то раздаётся щёлканье станкового пулемёта.

1287. шолып

    (Кож-влак) мардеж эркын пуал-пуал колтымо еда, кыж-ж шоктен, шолып йӱкым тарватат, пуйто ала-кӧлан йыштак вуйым шийыт. К. Васин Ели с каждым дуновением ветра издают приглушённый звук, будто кому-то тихонько жалуются.

1288. шомаклаш

    Митинг тӱҥале. Ала-могай подполковник лучко минут чоло шомаклыш. Э. Анисимов Начался митинг. Какой-то подполковник выступал около пятнадцати минут.

1289. шонен кошташ

    (Лена:) Икте ӧрыктара, иктым нигузе умылен ом керт. Ала-мыняр шонен коштынам, ушем пудыратылынам. Ю. Артамонов (Лена:) Одно удивляет, одного никак не могу понять. Сколько я размышляла, ломала голову.

1290. шонен налаш

    Кок-кум секунд гутлаште мый ала-мо асамымат шонен нальым. М. Шкетан За две-три секунды я передумал всякий вздор.

1291. шонкалыме

    Йӱд-кече тӱрлымат шонкалымым, йышт шортмым кӧ пала, ала? В. Сапаев Кто знает о раздумьях день и ночь о разном, о тайных слезах?

1292. шоныдымо

    (Эльвиран) корныштыжо ваштареш тутыш ала-кӧ, вучыдымын, шоныдымо еҥ лектын шогалеш. «Ончыко» Эльвире на пути постоянно неожиданно попадаются случайные люди.

1293. шоныдымо-вучыдымо

    Ала-мо кыдежыште шоныдымо-вучыдымо Пондаш Каврий толын шогале. Д. Орай В какой-то момент появился нежданный Пондаш Каврий.

1294. шонымаш

    Вара ик шонымаш тольо: каен ончаш гын, ала кышам верештына? С. Музуров Потом пришла одна мысль: а если сходить, может быть, найдём следы?

1295. шонымо

    (Лёня) возаш шинчат, чыла шонымыжо ала-куш йомо. М. Иванов Лёня сел писать, и все его мысли куда-то исчезли.
    Лидия Степановна мемнан шонымынам пален ала-мо, классыш тольо да поход нерген ойлаш тӱҥале. В. Сапаев Лидия Степановна, видно, знала о нашем желании, пришла в класс и заговорила о походе.

1296. шопкатан

    Кече шичме годым шӱмлан ала-молан шопкатан чучеш. Д. Орай При закате солнца на сердце почему-то становится неприятно.

1297. шортын пытараш

    Но Чачин шинча гычше шинчавӱд ыш лек. Ала шортын пытарен, ала шӱмжӧ кӱжгемын. С. Чавайн Но у Чачи в глазах не появились слёзы. Или выплакала, или сердце её окаменело.

1298. шот

    Садержат ала-мо шот дене кушкын огыл. И. Иванов И сады по какой-то причине не росли.
    Ала пӧрт шокшылан, ала иктаж вес шот дене Верушын тӱсшӧ чотрак чеверын коеш. Н. Лекайн Или из-за жары в доме, или по какой-то другой причине лицо Веруш пышет румянцем.

1299. шотыш налаш

    Но иктым гына шотыш налын огыдал: ала чылаштын шофёр лиймышт ок шу. В. Иванов Но вы не учли одно: может, не всем хочется стать шофёром.

1300. шоҥгемме

    – Могырем шоҥгеммым шижаш тӱҥалын ала-мо, – манеш Осып. Д. Орай – Видимо, моё тело начало чувствовать старение, – говорит Осып.