И юрас сылы [Биярлы] воис сэки, мый ас олысь кӧрсӧ −−− позьӧ ылӧдлыны тшыкӧм черинад, велӧг вылӧ кытчӧкӧ пуктыны да. Мыйӧнкӧ ӧд найӧ оз торъявны видзансьыс, ёнджыка на, гашкӧ, номсасьӧны тӧвнад, шыртӧ на лым увсьыс куталӧны. Г. Юшков, Бива.
— Аддзылін? — вӧв гыж бердӧ йизьӧм лым весалігмоз Якимлы юрнас довкнитіс Йӧрш Ёгор. — Кутшӧм збой да ёсь вӧлі. Раммыштны тай ковмис. Г. Фёдоров, Сиктса асыв.
Грымӧбтіс лыйӧм. Вӧркань уськӧдіс юрсӧ лым вылӧ. Педьӧ босьтіс шошаӧдыс да лэптыштліс тшӧтшыд пельяса юрсӧ морӧс весьтӧдзыс −−−, бӧр кокъясыс да бӧжыс зверьлӧн лым вылас на колины. Сьӧктаыс кык пуд гӧгӧр. Мича да ён и вӧлӧма кысукыс. Б. Шахов, Гӧрд дзоридзьяса сьӧд шаль.
Лунвылысь [гӧгӧраяс] локтасны — гӧгӧр на лым, лун-мӧд шойччасны да пыр и поздысьны босьтчӧны. Нетшкӧны эньясыс морӧссьыныс гӧнсӧ и позсӧ вӧчӧны. Гӧныс небыд-небыд, пук. Г. Дуркин, Вой мореяс пыр.
Лым петавтӧдз, кынмывтӧдз ачыд на лун-войсӧ бӧръян, шоныд паччӧрӧ на кӧть нюжӧдчылан, но сэки буретш гӧрд чери Печораӧдыс кульмыны катӧ, кык пудъя мукӧдыс. Г. Юшков, Чугра.
Со, пируйтӧмаӧсь дзойнаяс — войвылын медся посни лэбачьяс. Гӧрд пелысьлысь найӧ абу кольӧмаӧсь весиг лым вылӧ усьлӧм крӧшкияс. В. Юхнин, Биа нюр.
Войыс мича сибӧдчис, да кось весьтас тырыс посни еджыд бобув петӧма, быттьӧ нальпак лым усьӧ, тӧв бӧрыс павъялӧ. Г. Юшков, Ловъя лов.
Тӧвся кадӧ мастера куталӧ и лым пиӧ дзебсьӧм сьӧлаясӧс, таръясӧс, байдӧгъясӧс. Радейтӧ и шыръясӧс. Кӧть ручлӧн и нырыс ёсь, а дуксӧ кылӧ ылысянь. И. Коданёв, Мойдын моз...
Видзӧдам да, вӧрса пыстаяс жбыръялӧны-лэбалӧны увйысьувйӧ, гарсӧ пылльӧны, а чир-чарыс лым вылӧ киссьӧ. В. Торопов, Коді ёгӧссис.
Петавліс [Сандра] да чӧскыд сынӧднас чӧсмасигмоз кильчӧ помысь лым весалыштіс, кӧзалы сёян петкӧдіс. Г. Фёдоров, Зын турун.
Ывлаӧдз, кӧза гид сайӧдзыс, колльӧдіс Ӧльӧксанӧс Мариналӧн батьыс. Дас кымын кӧза тыдалісны гид дорас, ӧктісны лым вывсьыс дадь ректӧм бӧрын кольӧм турун ёгсӧ. Г. Юшков, Воййыв турун, еджыд дзоридза.
Лым кодь еджыд гӧна, ён бордъяса кузь голяа юсь воӧ татчӧс местаясӧ мукӧд пӧткаясысь да лэбачьясысь ёна водзджык. И. Коданёв, ӧтка юсь.
Коді радейтӧ ветлыны вӧр-ваӧд, дерт, казявліс, мый тӧвбыд узьысь ловъя ловъяс пондӧны ловзьыны март тӧлысьын на. Тайӧ пӧраӧ он-он дай аддзылан бордъясас гӧрда-сьӧда чутъяса лэбалысь бобулӧс, кузь кокъяса ыджыд номйӧс, еджыд лым вывті кыссьысь сьӧд гӧна лёльӧӧс. Л. Палкин, Окота эськӧ тӧдны.
Лым петавтӧдз, кынмывтӧдз ачыд на лун-войсӧ бӧръян, шоныд паччӧрӧ на кӧть нюжӧдчылан, но сэки буретш гӧрд чери Печораӧдыс кульмыны катӧ −−−. Г. Юшков, Чугра.
Лым усигӧн Сеня бӧрся вӧтлысис нин мичаник кутю. Кымын водзӧ, сымын шаньмис сійӧ. Лои ёсь ныра да ёсь пельяса лайка. Г. Фёдоров, Полошуйтчӧм.
Вӧлӧмкӧ, юсь сідзисӧ горзӧ. Ловъя лым тукта кодь, −−− тапикасис сійӧ Наста тьӧтка бӧрся, и веськыд сьылі помас сьӧд ныр йыла юрыс вылынджык на кывтіс нӧшта нин мышкыртчӧм Наста тьӧткалӧн юр дорысь. Г. Юшков, Чугра.
Арыс лои гажа, кос, ноябрь тӧлысьӧдз зэр тусь ни лым чир эз усь. Кӧть войясын кынмавліс, луннас шондіа, кыдз шуласны, вый войталӧ. Сійӧн и урыс дыр эз во, гӧныс пыр на усьӧ и пель ситӧм. В. Торопов, Мудер зверь.
Мӧдысь лыйис Иван дядь, но, тыдалӧ, пуалысь туланлы эз веськав. Пу увъяс вылысь киссьысь лым бус серти тӧдчис зверьлӧн пышйӧмыс. В. Торопов, Мудер зверь.
Руч быттьӧ кыліс чери кыйысьлысь ошкыштӧмсӧ, чеччыштліс ещӧ на вылӧджык, сэсся став кокъяснас лэччысис лым пытшкӧ и мӧдіс исавны, корсьны дзебсьысьӧс. А недыр мысти вомас тыдаліс нин шыр. И. Коданёв, Мойдын моз...
О сайте
Инструкция