— Кутшӧмӧсь ті, зонъяс, сьӧлӧм косьтысьяс, — шога висьталіс [Маша] кок улас видзӧдіг, кор сувтовкерим керка дорас — мегуръяс моз люкасянныд... А мый вӧсна... Пыр тіянлы ылысьджык да вылысьджык колӧ. В. Торопов, Яндысьысь морт.
А вӧлӧмкӧ, ошъяс, куимӧнӧсь: кык ыджыд да ӧти ичӧт. Весьт кузя на оз ло ичӧтыслӧн кок туйыс. Г. Юшков, Рӧдвуж пас.
Клавдий друг сувтіс, видзӧдліс гӧгӧрбок. — Вот и медводдза ош сіт. Лок, видзӧдлы. Со, кок туйыс, быттьӧ морт пуктылӧма ки лапасӧ. В. Напалков, Лун бӧрся лун.
Синмасьӧм нин понпиянӧс бӧрйигӧн Степан вӧчлывлӧ ещӧ ӧтитор: сійӧ пасьтавлӧ вевдорӧ гӧнӧн ассьыс пасьсӧ, сувтӧ нёль ки-кок вылӧ да уськӧдчывлӧ понпи вылӧ ош моз горзігтыр. В. Юхнин, Алӧй лента.
Сійӧ [Лиза] дзонь здук нин сулаліс ӧти местаын, кытчӧдз выльысь эз гымышт лыйӧм шы да тайӧ шы вӧсна эз жбыркнит −−− кок увсьыс ичӧтик лэбач. Чӧдлач куст дорын вӧлӧма пышкайлӧн поз. В. Юхнин, Тундраса бияс.
Некымын воськов бӧрын дзик кок увсьыс жбыркнитіс джынвыйӧ нин сера байдӧг. Е. Рочев, Батьлӧн ордым.
А Савать Вась улын гӧран сёкырыс: кыз рушкуа, кузь гӧна кокъяса, кок тшай гыжъясыс блюд пасьтаӧсь сьӧкыд уджсьыс, чышкысян рос кодь бӧжыс муӧдыс кыссьӧ. Ю. Васютов, Тӧдысь Савать Вась.
Видзӧда — сё морӧ! — ош, кык кок йылас сувтӧма, скӧралӧ −−−. Мый керны? Смелмӧдчи да и косьышті сылы сярганас, голяас... И. Торопов, Тян.
Менам бать воюйтіс японечкӧд Мукден дорын. Висьтасьӧ вӧлі, сэтшӧма пӧ тойӧссьылім, кок кусыньясысь и киняулысь кабыр тырӧн тойсӧ чапкалам... И. Торопов, Ме верма, батьӧ!
Кеня кучикаӧсь эськӧ анчаыдлӧн бӧр кок чунь костъясыс, ваын и уяланаӧсь, да тӧвнад и ва улад он кокниа веськав. Г. Юшков, Бива.
Ме сирӧс кыска аслань, а сійӧ табанитчӧ −−−. Медбӧрын мудзис, муртса верми лэптыны керъяс вылӧ. Кок улын песласис метраысь кузьджык, лэчыд пиньяса сир, вомас тыдаліс чери бӧж. И. Коданёв, Пасибӧ ляпалы.
Кыр йылӧ кайӧм бӧрын Фёдор Ордымов мӧдіс нуӧдны ставнысӧ тундра кузя. Мунысьяс кок улысь частӧ чеччалісны байдӧгъяс. Неыджыд тыысь горзӧмӧн чеччис чирак, тані, тыдалӧ, сылӧн вӧліны пияныс. В. Юхнин, Тундраса бияс.
О сайте
Инструкция