641. нарашта

    (Тоня) Тудо нарашта тополь гай сӧрал капан. М. Шкетан Тоня – девушка красивого телосложения, как стройный тополь.

642. наҥгаяш

    Тыгай (тачысе кече гай мардежан) жап Зориным эртыше, рвезе годсо илышыш наҥгайыш. Н. Лекайн Такой ветреный день, похожий на сегодня, мысленно увёл Зорина в детство.

643. неле

    Илюшын ик чӱдӧ мутшат пеш чын да вулно гай неле. А. Березин У Илюша и одно скудное слово очень правильное и веское (букв. тяжёлое, словно бронза).
    Настушлан путырак неле. Капше кидым когартышаш гай шокшо. А. Березин Настуше очень тяжело. Тело её горячее, руку обжигает.

644. неоновый

    Умбалне неоновый лампын шонанпыл гай волгыдыжо чыл-чыл коеш. Ю. Артамонов Вдали, как радуга, мелькает свет неоновой лампы.

645. нер йымач

    Мыйын гай нулыдымо презе лият гын, – нер йымачетак ӱдырым удырыктат. Г. Чемеков Если будешь простаком, как я, из-под твоего же носа уведут девушку.

646. нершулдыр

    Нершулдыр воктен, шола велне, вӱр чӱчалтыш гай шыгыле йошкарга. А. Эрыкан На правой стороне, около крыльев носа, словно капля крови, краснеет бородавка.

647. нерӓн

    Моргунов кугу капан, кужу пӱсӧ неран, ӱдыр гай вичкыж тӱрван, мут колышташ йӧратыше айдеме. «Ончыко» Моргунов – человек высокого роста, с длинным острым носом, с тонкими, как у девушки, губами, послушный.

648. нечке

    – Ынде вуем пеш нечке лийын, ужат, – упшыжым упшалшыла, той гай вуйлепшым ниялта. Й. Осмин – Видишь, голова моя стала какой слабой, – снимая шапку, он поглаживает своё бронзовое темя.

649. нечкышлаш

    Микак, Ивайын нюслен шортмыжым ужешат, шоналта: ӧрдыжтӧ ачаже ден аваже ончылно нечкышлыме гай огыл аман. Я. Элексейн Микак, увидев, как всхлипывает Ивай, подумал: на чужбине, видать, не то, что капризничать перед родителями.

650. ниялткалыше

    (Медузын) ӱлыкыла кид гай тазыла ниялткалыше-влак кечат. «Пӱртӱс тун.» У медузы висят книзу похожие на руки скользкие щупальца.

651. нолго

    Пӱнчӧ, писте, нолго – чодыра таҥ-влак, шӱдыр еш гай чолгыж илена пырля. А. Тимиркаев Сосны, липы, ильмы – лесные друзья, живём вместе все мы, сверкая, словно звёзд семья.

652. нота

    Оҥгыр гай йӱкшӧ дене эн кӱшыл нотым куштылгын налеш. М. Рыбаков Своим звонким голосом она легко берёт самую высокую ноту.

653. ночко презе

    Ӱстел коклаште шке шотшо дене ала-мом вӱдылын, ночко презе гай шинчылтеш. Г. Ефруш Сидел он за столом беспомощный, что-то про себя бормотал.

654. ночко чыве

    Ӧрдыжтырак шогышо Эргубаев ночко чыве гай чытырен шога. Н. Лекайн Стоящий поодаль Эргубаев трясётся, как мокрая курица.

655. нугыдемдыме

    Южышто ала-мо нугыдемдыме гай чучеш. Я. Ялкайн Чувствуется, что в воздухе что-то сгущается.

656. нугыдемме

    Кӧргыштыжӧ тул шолеш, вӱр нугыдемме гай оҥжым шыгыремда. М. Шкетан Внутри у него горит огонь, будто при сгущении крови давит на грудь.

657. нугыдо

    Пагулын кӱжгӧ, нугыдо йӱкшӧ пелен оҥгыр гай яндар йӱк шокташ тӱҥалеш. М. Шкетан Рядом с низким, густым голосом Пагула появляется другой голос, звонкий, как колокольчик.
    Юж нугыдо, пӱтынь сандалык вашталтме гай чучеш. М. Шкетан Воздух насыщен кислородом, кажется, что изменился весь мир.

658. нулаш

    Гигант гай медузыла Шем теҥыз шуйналтын, Одесса-аваж воктен серым нула. Ю. Галютин Чёрное море, растянувшись, как гигантская медуза, лижет берега около матери-Одессы.

659. нулго

    Шем чодыраште кож, нулго-влак, сорта гай койын, туран кушкын шогат. В. Сапаев В чернолесье, словно свечи прямые, растут ели, пихты.

660. нулгырыжык

    Макар вожыльо, адак нулгырыжык гай йошкарген шинче. Д. Орай Макару стало стыдно, он опять покраснел, как рыжик пихтовый.