Татчӧс войтыр – – – медъёна радлывлісны, артмис кӧ тайӧ воас вӧрын озыр вотӧс да коль — сідзкӧ, ур да звер-пӧтка лоас, и зіль кыйсьысьяслы бур прӧмыс. Б. Шахов, Овлісны-вывлісны.
Тӧвся вӧрын шы ни тӧв, ставыс узьӧ еджыд шебрас улын, но ловъяясыс, буракӧ, эмӧсь жӧ. Со ур чӧсмасьӧма коль кӧйдысӧн, шыблалӧма кольяссӧ лым вылас, коз вывсьыс лым чиръяссӧ кисьтӧма и. Е. Афанасьев, Ёлкала.
Кокъяснас [ур] коль топӧдӧма моздорас, мыш вылӧ ляскӧм бӧжнас ворсӧдчыштӧ кокньыдик тӧвру. Ньӧти оз пов миянысь, водз кузь пиньяснас кӧйдыссӧ пылльӧ, а гӧрдов коль сьӧмсӧ муӧ чирйӧ-лэдзӧ. В. Торопов, Коді ёгӧссис.
Бур вӧрсӧ сэтысь эськӧ пӧрӧдлӧмаӧсь нин, но козъя нюкӧсъяс кольӧмаӧсь: ур-туланлы бур оланін. Важ керасӧ коръя леторос пӧзьӧма-петӧма, сэтчӧ йӧраяс сибӧдчылӧны. В. Торопов, «Кучум, Кучум...».
Кузякодь мунісны да лэптісны ӧти кельчи. Но мича кельчи пань кузя! — Ур-ра, юквалӧн витӧд пайыс эм! — радліс Степан Фёдорович. Сэсся лэптісны куш сӧмын... васӧ, весиг лёк нятшаяс эз шедны, абу на удитӧма быдмыны. И. Торопов, Арся сьыланкыв.
Ур вердчӧ ӧрекӧн, коль кӧйдысӧн, вотӧсӧн, тшакӧн. Оз ӧтдорт и лэбач кольк, весиг и лэбачпиянӧс. Тӧв кежлӧ сійӧ водзвыв дасьтӧ сёянсӧ. В. Трапезников, Миян край.
Ур, вӧлӧм, пукалӧ пожӧм ув вылын, быттьӧ еджыд мач, муртса и торъялӧ лымйысь. Гожӧмнас вотчигӧн казявлім, сэки пожӧм кырсь рӧма вӧлі и кажитчис ёна ичӧтджыкӧн. В. Торопов, Коді ёгӧссис.
Ур, вӧлӧм, пукалӧ пожӧм ув вылын, быттьӧ еджыд мач, муртса и торъялӧ лымйысь. В. Торопов, Коді ёгӧссис.
— Тайӧ со, — Геня нима детинка босьтіс киас карандаш кызта коль шӧрысь кольӧм бедьтор, — ур чашйӧма, кӧйдыссӧ перъялігӧн сьӧмсӧ кушӧдз лэдзӧма, сьӧмӧсыс и кольыштӧма. В. Торопов, Войколӧн.
О сайте
Инструкция