Пач сайын, гӧбӧч пӧлать вылын, сепысъясын тӧвбыд видзлісны гӧрд ас рӧдмӧдӧм лук. Косінад лукйыс ньӧти эз сісьмыв – – –. Тайӧ сортсӧ ӧні сиктъясын воштӧмаӧсь нин. В. Кудряшова, Важ йӧз олӧмысь.
Ныв ӧзтіс карасина лампа. Комната югдіс. Стенъяс шпалеритӧма, пӧтӧлӧкыс еджыд, белитӧма. Паськыд, воссялана ӧшинь. Эм и плита-пач. Уна жыръяса пызан дорын кык небыд улӧс. Быд пельӧсын, ӧшинь вылын — дзоридзьяс. Л. Огнев, Сиктса велӧдысь.
Мамыс еджыд пач дінӧ и нёровтчӧма, быттьӧ кынмӧма либӧ пачсяньыс кокнилун виччысьӧ да гусьӧникӧн шлюпкӧ-бӧрдӧ. А Федялысь сьӧлӧмсӧ быттьӧ кузь лыс емӧн бытшнитіс: садьмис, сьӧлӧмыс чеччӧ... В. Иванова, Керка-пӧль.
Ни йӧз абуӧсь, ни скӧт абу, кӧнсюрӧ сӧмын тшыг каньяс нявзӧны. Да арся тӧв омлялӧ скелетъяс моз сулалысь пач трубаясын. Да быдмӧ лёк турун. И. Торопов, Но-о, биа бордаяс!
Чом пытшкын жар онялӧ. Тундра выв баддьӧн жӧ ломтӧны ыджыд кӧрт пач, коді доналӧма калинаӧдз. Чом тырыс олысь, медсясӧ посниулов. Н. Никулин, Вошлӧм стада.
О сайте
Инструкция