Быд сикас вижъюрлӧн эм кутшӧмкӧ аслыспӧлӧслун. Тулыснас лым сылӧм бӧрын медся водз петӧ да дзоридзалӧ тувсов вижъюр – – –. Гожӧм помланьыс вежӧдӧ, мичмӧдӧ чусмыны нин заводитӧм видзьяс да боръяс арся вижъюр – – –. А. Ракин, Вижъюр.
Ылӧдз, туй чукыльӧдз ставыс тыдалӧ, лым чир весиг оз усь да. Со веськыдвыв берегланьыс бадь пуяс, а на дінын уна-уна еджыд лэбач — байдӧгъяс кокалӧны баддьыслысь кын гарсӧ. В. Напалков, Козьнав мортлы муслун.
Бӧр локтігӧн и аддзыси виччысьтӧм гӧстякӧд. Лӧз енэжын дзирдаліс шонді, гӧгӧр кыз шебрасӧн куйліс лым, а вислӧн сьӧд ва веркӧсысь мыччысьӧма кутшӧмкӧ веж петас. Л. Палкин, Окота эськӧ тӧдны...
Но Тимофей сувтӧма нин. Регыд сэсся воим прамӧй ягӧ, гежӧд козъя вӧрысь мем синмам пыр и усины кӧръяс, кодъяс лукйысисны лым пиын. Н. Никулин, Яндо.
А помаліс тшынасьнысӧ, видзӧдліс водзас ылӧджык и вашмуні: еджыд дзоридза воййыв турун тыдаліс ӧтилаысь, сэтшӧм сӧстӧм да мича, быттьӧ лым чиръясӧн кышӧма. Г. Юшков, Ловъя лов.
Веськыдладорас, йӧрын, йирсисны чоталӧм вӧвъяс, котралісны ыжъяс. Еджыд юра бӧньдюгъяса пӧката эрдыс, кыті эз на вӧв ытшкӧма, кажитчис быттьӧ лым улын. В. Напалков, Эзысь перна.
Петырлӧн мӧд удж: лым усьтӧдзыс на петӧ вӧравны. Том пон вылад эз вӧв надеяыс, ветліс Варыш Ӧдя дорӧ юавны Симӧлысь понсӧ. Сьӧрсьыс босьтіс неуна чери – – –. Ӧдя ноксис кӧчан град вылас, чукӧртіс кольӧм капуста коръяссӧ. Н. Гонев, Петырлӧн бӧръя вӧралӧм.
– – – гожӧмыс вӧлі кос, лым сылӧм бӧрын прамӧя эз зэрлы. Картупель кор весьт кузя и нюжаліс, а сэсся вижӧдіс. В. Торопов, Нёль висьт.
Турышев пырис козъяс костас сайсяньыс, видзчысьӧмӧн, мед эськӧ ни ӧтик коз лап вылысь эз вӧрзьы лым туктаыс. А. Парначев, Наян.
Пемыдӧн нин вӧрзис Васька пӧрӧдчанінсьыс. Аслас лызь туйыс сюрыштіс мыйтакӧ, тыдаліс маті водзвывсьыс жугӧдӧм лым визьӧбнас, но воис козъя ньывкӧсӧ, кысянь колис веськыда нин сетчыны, и кутіс писькӧдчыны. Г. Юшков, Рӧдвуж пас.
Колля пу дерево с шишками. Со, шуа, пу йывъясӧд [урыс] тювӧма-локтӧма татчӧ – – –. Тӧлын сьӧкыд кынӧмпӧт перйӧмыс, ставыс тырӧма лым шебрас улӧ. Сійӧн и лун-лун корсьӧ колля пуяс – – –. B. Торопов, Коді ёгӧссис.
Тӧвся вӧрын шы ни тӧв, ставыс узьӧ еджыд шебрас улын, но ловъяясыс, буракӧ, эмӧсь жӧ. Со ур чӧсмасьӧма коль кӧйдысӧн, шыблалӧма кольяссӧ лым вылас, коз вывсьыс лым чиръяссӧ кисьтӧма и. Е. Афанасьев, Ёлкала.
Ӧд купальнича коръяссьӧ, кутӧ туны-быдмыны, кор муртса на сылыштӧ лым. Оз пов, майбыр, кӧдзыдсьыс. Со и бурдӧдӧ быдсяма пӧлӧс прӧстуда висьӧмъяссӧ. А. Одинцов, Купальнича.
Оз кут вермыны гылӧдӧм кольсӧ лым увсьыс шедӧдны [уркай] да сиктӧ сэсся уськӧдчӧ, сёӧн-сёӧн лэбалӧ. Чулльытӧм на кӧ шабдіыд кӧнкӧ ӧшас вылын, зэв регыдӧн ӧти кӧйдыс тусьтӧг коляс. Г. Юшков, Рӧдвуж пас.
Куим ай кӧр, кодъяс кыскисны – – – дадьсӧ, мунігмозыс, кылӧ, йирышталісны лым улысь кӧнсюрӧ мыччысьӧм нин кӧр нитш; кӧнкӧ водзынджык увтчисны понъяс – – –. В. Юхнин, Тундраса бияс.
Ӧні, дерт, лым абу нин — тшӧтш и миян Войвылӧ воис тулыс. Кыдз пу гаръяс буретш петӧны, веж тугъяс мыччысьӧны – – –. И. Торопов, Видза колян, мушкетёр!!
Кызвыннас леторос сӧмын на и петӧма туй вылас, и то на талялӧма сійӧс видзӧднысӧ, оз сярвидз лым увсьыс, а ытшкытӧм турун моз пӧрласьӧма быттьӧ лёк ногӧн. Г. Юшков, Чугра.
Лым нин мукӧд войнас усьыштлӧ, а луннас бӧр сылӧ — муыс шоныдсӧ видзӧ на. Ниа лыскыс кӧ лым вылӧ киссяс, висьталӧны пӧрысь йӧз, лымйыс бара на сывлас. Е. Афанасьев, Ар да тӧв костын.
– – – лэчыд пуртӧн ме понді вундавны лым кодь еджыд госӧн шылькнитчӧм кын яй гримзуль да вевсьӧн-вевсьӧн тэчавны гӧрд чӧласъяссӧ талунъя на олӧм во гӧгыльясӧн кольчаасьӧм, еджыд сӧстӧм мыр вылӧ, бисянь бокӧджык. И. Торопов, Ме верма, батьӧ!
Гылаліс гежӧдик, кокньыдик коръя лым. Керкадорса льӧм пу важӧн нин куш сулалӧ, а пелысьыс ставнас гӧрд ымралӧ, вожъяссӧ муланьӧ личкӧмаӧсь гырысь, сьӧкыд пелысь розъяс. Г. Федоров, Зынтурун.
О сайте
Инструкция