Кӧдзасӧ кык сантиметр кызтаӧ вевттьӧны лыаӧн. Ящиксӧ вевттьӧны плёнкаӧн да петкӧдӧны балкон вылӧ либӧ сюйӧны лым пиӧ. Керкаӧ пыртӧны март шӧрын да пуктӧны шоныд местаӧ, югыдінӧ. Некымын лун мысти мыччысясны петасъяс. Бурдӧдчан вуж, «Войвыв кодзув».
А олӧма аньлӧн морттуя лючки сёрниыс йиджис Ревеккалы лов пытшкӧдзыс, кыдзи тай пожӧм кӧйдыс вӧйтысьӧ лым пыр муӧдзыс. Г. Юшков, Чугра.
Со и вӧрсялӧны веськодя уджалігад батьясӧн да дедъясӧн вӧчлӧм муясыс. Лым улӧ усьӧны ытшкытӧм видзьяс, силоснӧй культураяс. И некодӧс таысь чуньӧн оз вӧрзьӧдлыны. Сы вӧсна, мый бур кӧзяиныс абу. И. Белых, Кыдзи олан, менам сиктӧй.
Кыза нин эжмӧм да тӧзь турунӧн тырӧм пос вывті Прокӧ Васька вуджис шор мӧдарӧ, лым ваӧн паськыда вайӧм лыа вывті небыда кыпӧдчис яг сибӧдӧ. Г. Юшков, Рӧдвуж пас.
— Ньӧбӧм помсьыд нӧ... Кизь-мӧдтӧ юыштӧмӧн... Лым сылӧм бӧрас ыстылі тувсов кӧчпирӧг ӧктыны, да эн жӧ лыблы вот. Сійӧс эськӧ и матіник логъясысь на позис аддзыны да. Н. Куратова, Кутшӧм куръя, сэтшӧм и чери.
Сэсся ыркнитыштліс и пондіс дзоридзавны льӧм. Паськыд коръя вежсӧ друг быттьӧ шӧтісны лым еджыд тугъясӧн, и ньӧти эз кут тыдавны вежыс. И. Торопов, Тіянлы водзӧ овны.
Оз кут вермыны гылӧдӧм кольсӧ лым увсьыс шедӧдны [уркай] да сиктӧ уськӧдчӧ, сёӧн-сёӧн лэбалӧ. Чулльытӧм на кӧ шабдіыд кӧнкӧ ӧшас вылын, зэв регыдӧн ӧти кӧйдыс тусьтӧг коляс. Г. Юшков, Рӧдвуж пас.
О сайте
Инструкция