Шуам, катшыс — тадз нимтӧны понъясӧс, кодъяслӧн плешкас эм еджыд пас. Катшук — тайӧ еджыд плешка сьӧд ыжлӧн ним. Тӧданныд ӧд еджыд тшак — катшакольк – – –. Зэв важӧн катш кывлӧн вежӧртасыс вӧлӧма «еджыд». А. Ракин, Катшасин.
Вель уна ним, кызвыннас нывбабаяслысь, гижысьыс лӧсьӧдӧма быдмӧгъяслӧн, вотӧсъяслӧн, пуяслӧн нимъясысь. Намыр — Овкӧджса Борганлӧн ним, Ниа — Овкӧджса Адаслӧн гӧтырпу, Маюр — Биярлӧн радейтана нылыс – – – (тайӧ кывнас сыктывсаяс вӧдитчӧны бобӧнянь пыдди). А. Ракин, Морт нимъяс «Бива» романын.
Тӧдысь йӧз чайтӧны ӧтласа важ перым кывйысь «куст» вежӧртаса пуд ним. Тайӧ кывсӧ позьӧ аддзыны удмуртъяслӧн быд словарысь. Паськыда бергалӧ сійӧ и кыв тэчасъяс пытшкын: намер пуд (коми ногӧн намыр куст), кудымулы пуд (коми ногӧн чӧд куст) да с.в. Важ коми кывйыслӧн шусянногыс вӧлӧма удмуртъяслӧн кодь пуд либӧ пудлас. А. Ракин, Пудлас.
О сайте
Инструкция