Косков восьтіс синъяссӧ кодлӧнкӧ пӧсь лов шыысь: дзоргис сы вылӧ сюртӧм кӧр, сьӧд пасьыс рудмыштӧма, но еджыд кокъясыс лӧсталісны выльӧн усьӧм лым моз. Е. Рочев, Дзолюк.
А бара он кӧ вод Гуас дыр узьӧмыс вылӧ, сэки нӧшта нин сьӧкыд лоӧ помтӧм Кузь Кӧдзыд Тӧвсӧ коллявны! Ӧд вӧрсьыс сэки унджык сёяныс Еджыд Лым улӧ кыза дзебсьӧ да из кодь чорыдӧдз кынмӧ. И. Торопов, Оштӧ эн лый кыкысь.
Пӧкрӧв бӧрын, кор усяс выль лым, Йӧрш Ёгор лӧсьӧдчис уравны ветлыны кытчӧкӧ ылӧджык Из дорӧ, бара жӧ надейтчис нажӧткатор шедӧдны. Г. Фёдоров, Сиктса асыв.
Мыйкӧ сьӧд тыдаліс лым вылас, Эжва шӧрас. Матӧджык вотӧдзыс Бияр эз и вермы тӧдмавны, мый сэтшӧмыс. Ыркнитлысь тӧлыс лыбӧдліс да вӧтлыштіс сылы паныдӧн чукчи гӧн, да вӧлись гӧгӧрвоис, кытысь сэтчӧ сьӧдыс лои. Г. Юшков, Бива.
О сайте
Инструкция