1221. шапалгын

    Лампычкыжат ала-молан ты велне шапалгынрак йӱла. Г. Алексеев И лампочка на этой стороне почему-то горит неярко.

1222. шапын

    – Ала шапын койына да, Павыл тулар, ит вурсо ынде! Д. Орай – Сват Павыл, не обессудь нас, может, мы ведём себя (букв. выглядим) неприлично!
    Тудыжым (еҥым) пеш шапын сӱретлен улыт: ала-могай лаштыкым веле сакен, оранек чара могыран. О. Шабдар А этого человека очень безобразно нарисовали: повесил лишь какую-то тряпку, совершенно голый.

1223. шара

    Самырыкнек ала-мо кӱлешлан шара пондашым куштен шындыше тиде еҥ кызыт моткоч сӧралын коеш. «Мар. ком.» Этот человек, отпустивший смолоду для чего-то раскидистую бороду, сейчас выглядит очень привлекательно.

1224. шараш

    Ала-кӧ газетым шарен да лудеш. Н. Лекайн Кто-то раскрыл газету и читает.

1225. шаркалаш

    Листовко-влакым садыгак ала-кӧ шаркала. К. Васин Листовки всё равно кто-то распространяет.

1226. шаркален пытараш

    Калык ала-момат ойла, но калыкшылан ик коклазе шаркален пытара. Г. Ефруш Народ всё что угодно говорит, но в народе распространяет один сплетник.

1227. шаркалыме

    – Тый, очыни, ала-могай листовкым да монь шаркалымыштым шекланен шуктенат? Н. Лекайн – Ты, наверно, заметил распространение ими каких-то листовок.

1228. шарнен шуаш

    Галялан тиде пӧръеҥым ала-кушто ужмыжла чучеш. Но нигузеат шарнен ок шу. М. Евсеева Гале кажется, что она где-то видела этого мужчину. Но никак не припомнит.

1229. шарныдыме

    (Васли:) Пытартыш виемат ала-куш кайыш. Кум кече шарныдыме кийышым. М. Шкетан У меня и последние силы исчезли куда-то. Я три дня лежал в беспамятстве.

1230. шатырка

    Ала-могай шатыркам веле марланжат налын. МДЭ И женился-то на какой-то вертихвостке.

1231. шаяраш

    Южгунам ял кокла ӱдыр-каче ала-кӧм шаярат, кушталтат. Й. Осмин Иногда деревенские девушки и парни шутят над кем-либо, пляшут.

1232. шаярчык

    – Ала-молан тыгодсо рвезе-влакын кумылышт пеш пушкыдо, шаярчыкымат ок чыте. Я. Ялкайн – Почему-то у нынешних парней характер очень мягкий, даже шутки не выносит.

1233. шекланаш

    Шеклане веле: ала велосипед дене, ала мотоцикл дене ӱмбакет толын керылтыт. Й. Осмин Только остерегайся: или велосипед, или мотоцикл наедет на тебя.

1234. шекланен

    (Кочам) пычалжым пурла коҥлайымаланже ӧндалын, ала-мом шекланен ончышто. М.-Азмекей Прижав своё ружьё в правые подмышки, дед мой что-то внимательно осмотрел.

1235. шекланыде

    Ала-кӧ спичке тулым шекланыде кудалтен манын, эрлашыжым ыштыме следствий ончыктен. А. Айзенворт А проведённое на следующий день следствие установило, что кто-то неосторожно бросил зажжённую спичку.

1236. шем-кандалге

    Шем-кандалге пыл, ала-кӧ деч шылын, шолып нушмыла чучеш. «Ончыко» Тёмно-голубая туча будто тайком крадётся, скрываясь от кого-то.

1237. шемвуй

    Ала-кушеч шемвуй-влак толын лектыч. А. Филиппов Откуда-то прилетели черноголовки.

1238. шемгутко

    Теве шемгутко шӱк пырчым нумалынат, ала-кушко пешак вашка. В. Косоротов Вот чёрный муравей несёт соринку, куда-то очень спешит.

1239. шемемаш

    Ала йоча-влакын мӱшкырышт шужен, ала тувыр-йолашышт шемемын. З. Каткова Может, дети проголодались, может, у них загрязнилось бельё.

1240. шемемдаш

    (Токтаев) шке ийготшым шылташак тӧча: эреак бритлалтеш, ӱпшым ала-могай чия дене шемемда. «Ончыко» Токтаев пытается скрыть свой возраст: всё бреется, волосы красит (букв. чернит) какой-то краской.