в поз. опр. перен.
шёловый, шелковистый (о таком, который чем-л. напоминает шёлк, красивый, мягкий, блестящий и т.п.).
Тудо ломбо укшешыже Порсын лӱҥгалтышым ыштышна. МКМ. На ветвях той черёмухи мы соорудили шёлковые качели.
Кудыр вуян кукулан куэр лийже, Порсын вуян шӱшпыклан ломбер лийже. МКМ. Кукушке с кудрявой головкой нужна берёзовая роща, соловью с шёлковой головкой нужен черёмушник.
Ломбо вуйысо шӱшпыкшӧ Порсын вуян огыл мо? МКМ. Соловей на вершине черёмухи не с шёлковой ли головкой?
Уа пӱгет мом йодеш? Порсын сапым йодеш. МКМ. Чего просит ивовая дуга? Просит шёлковые вожжи.
Порсын кылан мундыраже Пӧрдын кайыде, мом вуча? МКМ. Шёлковый клубочек чего ждёт, как не покатиться?
Йытынже пеледе порсын пеледышым. МКМ. Лён цвёл шёлковыми цветами.
Порсын кылан капкаже Почашат каньыле, тӱчашат каньыле. МКМ. Ворота с шёлковыми ручками — и открывать удобно, и закрывать удобно.
Йӧратыме йолташем шоналтен колтем, Порсын лӱҥгеш возам гынат, мален ом керт. МКМ. Как вспомню любимого друга, не могу уснуть, даже если лягу в шёлковую качалку.
Кугу эҥер воктенет, Немде вӱдет серыштет, Порсын вуян шудыштет, Куку мурен шинчалта. МКМ. У большой реки, на берегу Немды, на шёлковой траве, кукушка кукует.
Ава, ава, Лай порсын кумылетым Аклаш сита мо чон тулна мемнан? А. Иванова. Мама, мама, хватит ли нашего душевного тепла, чтобы оценить твою нежную шёлковую душу?
Выжгыкта ош лум, пӧрдеш, модеш, Пуйто порсын кумылым шава. А. Иванова. Падает белый снег, кружится, играет, будто сыплет шёлковым настроением.
Порсын кумылетым ит шылте. А. Иванова. Не прячь свою шёлковую душу.
Пеш палем, шижам мый порсын кумылетым. Г. Сабанцев. Знаю хорошо, чувствую я твоё шёлковое настроение.
Уло порсын кумылем. З. Дудина. Есть у меня шёлковая душа.
А айдеме ошкылеш, Мландым эплын тошкалеш. Уш яндар, волгалтше чон, Порсын кумылжо мочол! З. Дудина. А человек шагает, осторожно по земле ступает. Светлый ум, чистая душа, насколько шёлковое его настроение!
Лай порсын кумылан ялем, Аваем гай мыланем. Мирон Васлий. Деревенька моя с мягким, шёлковым нравом мне как мать.
Ончале кече ал олма гай койын, Тӱням волгалтыш, порсын кумылан. Г. Чемеков. Выглянуло солнце, похожее на красное яблоко, осветило мир, с шёлковой душой.
Кернак, мут-ойна чинче-вунчо, Порсын кумыл йолга калыкнан. Г. Галкин. И правда, наши слова и мысли — жемчужины, шёлковая душа нашего народа сияет.
Ом пале: кушко шулен йомо Эрден(ы)се порсын кумылем. Т. Соловьёва. Не знаю, куда исчезло, растаяв, моё утреннее шёлковое настроение.
Мамык порсын кумыл Ниялта эре шыман шӱргет. Т. Соловьёва. Мягкое, шёлковое настроение всегда нежно гладит твоё лицо.
Кажнын чонышто — Май, Кумылна порсын-лай. Мирон Васлий. В душе каждого — май, настроение у нас — шёлковое-нежное.
Нимом огеш нал арымеш: Кеҥежын кумылжо вет порсын… В. Попов-Чэмэшэр. Ничего не берёт взаймы: душа у лета ведь шёлковая.
Ошкылат пашашке — Кумыл порсын, сае. А. Тимиркаев. Шагаешь на работу — настроение шёлковое, хорошее.
Мемнан кумылнат, ойлена, лийже порсын, Вет шочынна мландым, тӱням тӱзаташ. Т. Петухов-Локама. Пусть и настроение у нас, говорим, будет шёлковым, ведь мы родились землю, мир украшать.
Вет кумыл порсын, да шӱмем чылт йоҥлыш, Мутлан уке улмаш чылтак мучаш. З. Ермакова. Ведь настроение шёлковое, и сердце моё совсем запуталось, и словам, оказывается, нет вовсе конца.
Порсын кумыл-шӱртем возеш тӱрыш. З. Дудина. Нить моей шёлковой души ложится на вышивку.
Элтале кас юж Пыл ден мландым, Кече Алын тодо Порсын олыклам. Яныш Ялкайн. Объял вечерний воздух небо с землёю, солнце алым заплело шёлковые луга.
Порсын олык, Солышо калык, — Ой, куандарат!.. Яныш Ялкайн. Шёлковый луг, косари — ой, радуют!
Снеге гай чевер тӱсан, Кандывуй гаяк шинчан, Порсын олык тувыран, Ӱдыр гаяк кумылан Мемнан велыште кеҥеж. Г. Чемеков. С красивым, как у земляники, лицом, с васильковыми глазами, с шёлковым платьем-лугом, с настроением, как у девушки, в нашем краю лето.
Лишне — кава гычын порсын лӱҥгалтыш. Шич да лӱҥгалте ракатын, чечен. В. Колумб. Близко — с неба шёлковые качели. Садись и качайся с удовольствием, от души.
Так огыл кава гычын порсын лӱҥгалтыш Эр еда вола… В. Колумб. Не случайно с неба по утрам спускаются шёлковые качели.
Вӱд гына воктен порсын лӱҥгалтыш — Ракатланен лӱҥгалтен мый шым керт. В. Абукаев-Эмгак. У воды-то шёлковые качели — вдоволь накачаться я не смог.
Утарыше порсын лӱҥгалтыш — Мылам тиде ныжыл ончалтыш. А. Иванова. Спасительные шёлковые качели — для меня этот ласковый взгляд.
Мыланем ӱмырешлан аралтыш — Кугу Юмын ош порсын лӱҥгалтыш. З. Дудина. Мне оберег на всю жизнь — Великого Бога белые, шёлковые качели.
Эл ӱмбалне — угыч порсын май Да окнам тичак — ал кече. Сем. Николаев. Над страною — снова шёлковый май, и окно моё — всё в красном солнце.
Ужынат порсын майым Да январьым монденат? Сем. Николаев. Увидела шёлковый май и забыла про январь?
Порсын озым пасушто Лупсаҥын, шерлалт. З. Дудина. Шёлковые всходы в поле покрылись росой, как бусинами.
…Кажне колхозын Ужар порсын озым Шошо кечын кушкеш, ужарга. В. Колумб. У каждого колхоза зелёные, шёлковые всходы весенними днями зеленеют, растут.
Порсын лум ден мланде Петырнен гынат, Тӱрлӧ шудо-влакше Садак койылдат. В. Кузнецов. Хотя земля покрыта шёлковым снегом, разные травы всё же видны.
Йӱштӧ теле мыйын элым Порсын лум ден леведеш. В. Кузнецов. Холодная зима укрывает мой край шёлковыми снегами.
Шӱм-чон гычет Ойгет рончен, Лышташ тӱреш тӱрлет Тый порсын семым. Н. Никитина. Из души своё горе расплетая, вышиваешь на кончике листа ты шёлковую мелодию.
Чӱчкалтен колта кава, Порсын семжым шавалта. И. Степанова. Приплясывает небо, льёт свою шёлковую мелодию.
Лай мардеж тарвата порсын шудым. А. Иванова. Лёгкий ветер шевелит шёлковой травой.
Тек порсын лышташ дене Чал тӱтыран эр шолкын Ош кайыкла модеш. А. Иванова. Пусть шёлковым листом утренняя прохлада седого тумана играет, словно белая птица.
Нойышо капемым шымата мардеж: Вӱчка тул гай вачым порсын лышташ дене. А. Иванова. Моё усталое тело ласкает ветер: гладит по горячему, как огонь, плечу шёлковыми листьями.
Кенета мондалте порсын шӱлыкем. А. Иванова. Вдруг забылась моя шёлковая грусть.
Шыргыжал, Кунам кава гыч йӱксын Порсын пыстылже шыман вола. А. Иванова. Улыбнись, когда нежно слетает с неба шёлковое перо лебедя.
Порсын шулдыран кайыкем Окна гыч чоҥештен лектын. А. Иванова. Птица моя с шёлковыми крыльями вылетела в окно.
Ынде тымык вӱдыльӧ элемым, Кече порсын… Э. Анисимов. Теперь тишина окутала мою страну, солнце шёлковое / день шёлковый…
Пеледалтше мӧр олык, ший ер, Чевер порсын ӱжаран шошо эр. В. Бояринова. Цветущий клубничный луг, серебристое озеро, с алой, шёлковой зарёй весеннее утро.
Мардеж икшыве семын модын кайыш, Ужар лышташым шуыш ӱмбакем. А тудо пуйто порсын изи кайык, Толдалын шинче мыйын кидышкем. Г. Чемеков. Ветер пронёсся, играя, как ребёнок, бросил на меня зелёный лист, а тот, словно шёлковая малая пташка, сел мне на руку.
Йошкар-Ола — порсын… Окна — мучко тисте… В. Дмитриев-Ози. Йошкар-Ола — шёлковая… По окнам — флаги…
Эр ынде эркын толеш юалген, Порсын тӱсан чодыра. Э. Анисимов. Постепенно по утрам становится прохладно, у леса цвет шёлковый.
Ужалет Мӱгиндым, тутлым, Тӱрлӧ тамле йӧрымат, Но шӱметын Порсын тӱржым От ужале изишат. В. Регеж-Горохов. Пряники продаёшь вкусные, разные сладости, но шёлковый узор своего сердца не продашь ни за что.
А леве йӱр семын толеш Вӱд Ава, Лай порсын кид денже кумдан выжгалта. И. Степанова. А как тёплый дождь приходит Мать Воды, шёлковой ладонью широко обрызгивает.
Кас шарлалже порсын ӱмылла, Меже тулым олтена. М. Казаков. Пусть вечер ширится, как шёлковая тень, мы же растопим огонь.
Порсын шӧрмычкыл — куван кеҥежын эҥыремышвот. В. Колумб. Шёлковая уздечка — паутина бабьего лета.
Баянистын парняже порсын мурым шереш. В. Колумб. Пальцы баяниста наигрывают шёлковую песню.
Ӱмбалнына вӱргенчык — Лай порсын кава. В. Колумб. Над нами покрывало — нежное, шёлковое небо.
Тек порсын шелык гай куэрыш Когаршла ок пуро товар. В. Колумб. Пусть в рощу, подобную шёлковому мольбищу, топор не вгрызается, как моль.
Вет кече эн тале тул юмо гынат, тудым ӱмылтышӧ порсын пылым ок когарте. В. Колумб. Ведь солнце, хотя и самый могучий бог огня, не опалит шёлковое облако, что его застит.
Торжа вынерым порсын лай тӱр ден Сӧрастарен, каплан келыштаренам. А. Иванова. Грубое полотно, украсив шёлковой вышивкой, приспособила я к телу.
Порсын-лай тӱрлеман Ал Пеледыш пайрем Тольо угыч мурен. Мирон Васлий. С шёлково-нежной вышивкой ласковый праздник Пеледыш пайрем пришёл снова с песнями.
Шӧртньӧ кече Порсын йолжым Тыш шуя. Олык Ипай. Золотое солнце свои шёлковые лучи сюда протягивает.
Да кумыл — чылт порсын кашташте. В. Егоров. И настроение — точно на шёлковой перекладине.
Ала пуыш порсын ойым ший Элнетак, Семален шӱм-кылым ӱжаран эрдене? Г. Сидорова. Быть может, дал шёлковый совет серебристая Илеть, лаская сердце на утренней заре?
Вучо мыйым лай порсын шошым. Сем. Николаев. Жди меня нежной, шёлковой весною.
Шыжым пасу — кӱжгӧ той портыш, Порсын пасу — шурныжат. Сем. Николаев. Осенью поле — плотный, медный покров, шёлковое поле — и урожай.
Тугане шол кап-кыл лӧзаҥме пагыт: Ура куан да порсын шӱлык — лош. Сем. Николаев. Такое оно — время расцвета: буйная радость и шёлковая грусть — пополам.
Йӱкетым колын, кава деч кӱрлын, порсын йӱр лийын, мардежла лайын толам тый декет. Р. Сунгурова. Услышав твой голос, оторвавшись от неба, став шёлковым дождём, как лёгкий ветер, приду к тебе.
Но куэ-влак тыште порсын, Ошо улыт. С. Григорьева. Но берёзы здесь шёлковые, белые.
Кертеш мо кумыл порсын кечын, Изи возак тул гай йӧрен, Чодыраш, Чодырашке мийдегече? А. Тимиркаев. Может ли душа шёлковым днём, погаснув, как огонёк очага, не пойти в лес, в лес?
Шӱмбелем, тыйын порсын кышатым Тунам кушто муам мый, ала? А. Бик. Любимая, твои шёлковые следы где я тогда отыщу, а?
Лиеш ӱмыр порсын-лай, Кунам толеш ший сӱан. Мирон Васлий. Жизнь становится гладкой, шёлковой, когда приходит серебряная свадьба.
1. прил. богатый, обильный; в высшей степени достаточный.
Тек якте шӱм гыч возын, Лиеш поян саска. Ю. Иксанов. Пусть, упавшие из чистого сердца, будут богатыми плоды.
Ом вучо мый лач шыжым веле, Лиеш гынат поян саскан. А. Васильев. Не жду я лишь осени, даже если будет с богатыми плодами.
У шыже толын. Озана. … Поян саска ден кугешна. Г. Чемеков. Новая осень пришла. Хозяйка наша. Богатыми плодами гордится.
Шукертсекак уке поян саска — Коншудо веле нурышто оза. А. Васильев. Давно нет богатого урожая — лишь лебеда в поле хозяйка.
Колам, ӱдыр-шамыч муралын тӱшкан Погат пеш тыршалын поян у саскам. В. Рожкин. Слышу: девушки, распевая хором, очень старательно собирают богатый новый урожай.
Могай поян пӱртӱс, А шомакше чылт порсын. П. Апакаев. Какая богатая природа, а слова точно шёлк.
Суртет ару, чыла вере усталык, Поян моткочак Виче пӱртӱсет! Сем. Николаев. Дома аккуратные, повсюду мастерство, богата бельская природа!
Пӱртӱс поян. Пӱртӱс пеш кумылзо. М. Казаков. Природа богата. Природа очень душевна.
Тӱткын эскерем Пӱртӱсым, Пӱртӱсна — поян. В. Якимов. Внимательно наблюдаю природу, природа наша — богата.
Пуат тек Марий мландылан ынде акым. — Тыгай поян мландыште шочын илем. Э. Анисимов. Пусть теперь оценят Марийский край. — Я на такой богатой земле родился и живу.
Ӱшане тый шоҥго поян мландылан. В. Регеж-Горохов. Доверься ты старой, богатой земле.
Мландат мемнан ден икоян, Чыла пуа, молан поян, эх, поян! В. Колумб. И земля единодушна с нами, всё даёт, чем богата, эх, богата!
Пурем поян чодырашкына — Теммеш пукшен-йӱктен колта. В. Регеж-Горохов. Вхожу в наш богатый лес — до сыта накормит и напоит.
(Кеҥеж) Поян чодыраште кайык семын Сӱан такмак-влакым мурен. В. Попов-Чэмэшэр. (Лето) В богатом лесу, словно птицы, пело свадебные частушки.
Кугу чодыра — Поян чодыра. М. Иванова. Огромный лес — богатый лес.
Мый шинчем: марий йылме моткочак поян. В. Попов-Чэмэшэр. Я знаю: марийский язык очень богат.
Марий йылме дене Удан возаш язык. Моткоч поян тудо, Мотор, йымыжа. А. Васильев. Писать плохо по-марийски — грех. Он очень богат, красив, нежен.
Йылмат поян эрвелмарийын. Т. Токтарова. И язык богат у восточных мари.
Ила кугезе мланде … Поян йӱла гычын поген вий-алым. З. Дудина. Живёт земля предков… Из богатых традиций черпая силы и мощь.
Марий Эл — виян кугезе мланде, Курым ден поян йӱлам куча. Т. Очеева. Марий Эл — сильная земля предков, веками соблюдает богатые традиции.
Пашам йӧрата тыште калык, Кӧвалалт, поян кинде кушкеш… А. Тимиркаев. Любит труд здесь народ. Наливаясь, растут богатые хлеба…
Поян кинде верч шӱм йӱлен… Г. Чемеков. За богатый урожай сердце горело…
Шочмо вер поян. Ӱшанем, пукшен луктеш мемнам. А. Букетов-Сайн. Край родной богатый. Верю, нас прокормит.
Изинек йӧраталме поян вер-шӧрнаште Мо уло, чыла тиде — мемнан. М. Емельянов. В богатом родном краю, любимом с детства, всё, что есть, — наше.
Моткоч поян кундем! Г. Гадиатов. Очень богатый край!
Шайра мланде — Сылне вер, поян кундем. М. Казаков. Сотнурская земля — прекрасное место, богатый край.
Чоҥештен ош кайык ныжыл, тунар лайык … шыжын поян элыш. Р. Сунгурова. Летела белая птица нежная так легко, в край богатой осени.
Могай поян, мотор да йоҥго Планетына. В. Регеж-Горохов. Какая богатая, прекрасная и просторная наша планета.
Поян сӧрем мландыште киндым Поген пӧртылаш — тиде сай. Сем. Николаев. Прийти с уборки урожая на богатой земле — это хорошо.
Ончал, элна могай поян — Тӧр вер, эҥер да курык-влак! Сем. Николаев. Посмотри, как богата наша страна — равнины, реки и горы!
Поян Олык муралта, Поянже дене мокталта. Мичурин-Ятман. Богатый луг поёт, своим богатством хвалится.
Поян, мотор изи-кугу ерлаште Ош йӱксӧ мужыр ийын коштеда. Э. Ендылетова. В великолепных, богатых озёрах и озерцах плывёт пара белых лебедей.
Олан тулжо чевер, Нурын семже поян. Сем. Николаев. Огни города красивы, мелодии полей богаты.
Поян уржа пасу шога лӱҥгалтын, Тыгайже телым лач омеш конча. С. Эсаулова. Богатое ржаное поле стоит, колыхаясь. Такое зимой лишь во сне снится.
Йодам: арале тиде поро койышетым. Тунам сӧрал, поян лиеш кумда тӱнят. В. Регеж-Горохов. Прошу: сохрани этот свой добрый нрав. Тогда прекрасным, богатым будет и огромный мир.
Тушто илыш поян, калыкшат икоян. В. Попов-Чэмэшэр. Там жизнь богатая и народ единодушный.
Тымык чодыра, Кайыкнат шагал. Да эҥер талештын. Нужнаҥден поян шӱмнам. Г. Чемеков. Тихий лес, и птиц мало. И река стала быстрой. Обеднила наши богатые сердца.
Уш поян, а кид-йол мастар. А. Яковлева. Ум богатый, а руки-ноги талантливые.
Чонжо поян, рвезе акылже пӱсӧ. Сем. Николаев. Душа богатая, молодой ум острый.
Куван кеҥеж толын — поян, ковыра. М. Казаков. Бабье лето настало — богатое, красивое.
О, могай поян мемнан идалык. А. Тимиркаев. О, какой богатый у нас год.
2. прил. богатый, пышный, роскошный.
Тыге эртен поян пайрем. Олык Ипай. Так прошёл богатый праздник.
Толын поян шыже. З. Краснов. Наступила богатая осень.
Чевер кеҥеж поян… А. Букетов-Сайн. Лето красное богатое…
Эх, могай поян ший теле! В. Колумб. Эх, какая богатая серебристая зима!
Шыжымсе тӱс пеш поян. Р. Сунгурова. Осенние краски очень богаты.
3. прил. прекрасный, великолепный.
Вет поян пӱртӱслан веле огыл, Чонланат пӧлеклалтеш ояр. Сем. Николаев. Ведь не только великолепной природе, но и душе подарок ясный день.
Чынжымак, поян пӱртӱсын пого, Чонемлан пеш лишыл тиде вер. А. Мокеев. И правда, великолепно природы богатство, моей душе так близко это место.
Йоҥгалтеш марийын йӱкшӧ Поян мланде кумдыкеш. Н. Иванова-Ильина. Звучит голос мари по всей прекрасной земле.
Мардеж, мардеж, кузе от вожыл: Виян — поян, ушан — улан… З. Дудина. Ветер, ветер, как тебе не стыдно: сильный — прекрасный, умный — богатый.
Колышт, могай сылне мурым Меже тыште мурена, Кузе поян, сай кеҥежым Меже кызыт моктена! С. Чавайн. Слушай, какую прекрасную песню мы здесь поём, как богатое, прекрасное лето мы сейчас восхваляем!
Пеледышеш пӱтырналтын, Поян кеҥеж ваштареш, Куаналын, воштылалын, Чевер шошо лекталеш. С. Чавайн. Окутываясь в цветы, навстречу роскошному лету, радуясь, улыбаясь, выходит прекрасная весна.
Чонем ӱжеш … Поян кожлашке толын, Сай, порырак лияш. В. Регеж-Горохов. Душа моя просит, придя в прекрасный ельник, быть лучше, добрее.
А шӱмыштӧ тугане поян куан. Г. Чемеков. Я на сердце такая великолепная радость.
Молан ший шӱдыр эн поян? С. Григорьева. Отчего серебряная звезда самая великолепная?
(Йӧратымаш) Кӧлан — чодырасе снеге там, Мылам гын — эн поян мутан. Н. Иванова-Ильина. (Любовь) Для кого-то — вкус лесной земляники, для меня — с самыми прекрасными словами.
О сайте
Инструкция