Коми видчанкывъяс

ёна скӧр морт (КК)

2чуваш

изьв., скр. родысь, полысь морт, кӧч сьӧлӧма

3чугун юр

1) ыджыд юра морт 2) мӧмӧт, йӧй (КК) Чугун юр ↔ йӧй (КФ)

быдл. кид морт, шуштӧм, сёрниттӧм, йӧзысь ӧтдортчысь-полысь (КРК, ССКЗД) Локтіс Казаринова, юаліс: Мый лоинныд, чудь гозъя (Г. Федоров) Васькалӧн гӧлӧс: Тойышт, Ӧльӧксан, татчӧ. Ме сійӧс чуд морт пыдди кута петкӧдлыны мӧдысь. Мишка. Асьныд эськӧ ті чудъяс! (Г. Юшков)

5чудӧ

абу лючки, тешкодь морт САША. Привет. Тіян тай тані гажа. Али бӧрданныд? Чудӧяс. Но! Война войной, а обед по расписанию (Н. Обрезкова)

6чукля бӧж

лискасьысь, чесьтӧ усьысь морт / льстец (КРК) Но вай солавтӧм шыдтӧ водзвыв эн паняв, чукля бӧж!.. Кывйыд курччысяс!.. (Н. Белых)

7чукля ки

стӧча лыйсьыны кужтӧм морт Петьӧ кыйӧдіс-кыйӧдіс да кыдз тай сизьдыштіс Галялы, но эз веськав. Ызӧбтіс гажа серам: — Чукля ки! (И. Ногиев)

8чукля кока

чукыля, абу веськыд кока морт / кривоногий, с кривыми ногами, ноги колесом (КРК) Кутшӧм нӧ ме чукля кока, да нӧшта и урӧс? (Г. Горчаков)

9чукыль-мукыль

лукав, наян морт Ак тэ, кутшӧм чукыль-мукыль (КК)

10чуман юра ӧш

мисьтӧм, урӧс морт ПАВЕЛ. Прӧстит и Митрей дядь, бать, прӧстит, мый весиг гуавнытӧ эг лок... Ыръянитысь чуман юра ӧш ме!... (А. Шебырев)

11чурбан

мӧмӧт, йӧй морт — Бригадиръяс да бригадирша!.. Лоӧмаӧсь жӧ, зонмӧ! А ми нӧ? Сёймоньяс да чурбанъяс? (Е. Шахов)

12чурка

верӧстӧм аньӧн чужтӧм кага, зонка-нывка, морт — Мед, а абу чурка! Прокӧ Васька на нимӧй! А кузяногыс кӧ и, квайт ним на лоӧ. — Кытысь квайт нимыс? — Лыддьы: Пильӧ Ёгор Семӧ Иван Прокӧ Васька. А тэ, ноко, висьтав! Он и тӧд, кысянь рӧдыд (Г. Юшков) — Ме Катякӧд косяси, — сыркъялӧмӧн бӧрдігтыр висьталіс Женя. — Сійӧ менӧ «чуркаӧн» нимтӧ. Батьтӧм чурка пӧ тэ. Ыджыд мам, мыйла батьтӧм-мамтӧмъяссӧ чурканас шуӧны? (З. Прошева)

13чутъя гаг

зэв горш морт, вир юысь Эз ӧд весь, а горшлуныс вӧсна Крӧшки Володьнас и нимтылісны. Сет татшӧм чутъя гагыдлы вӧля, ставсӧ орӧдӧмӧн орӧдас (Н. Чугаев)

14чуша кукань

ӧдйӧ скӧрмысь, пестысьысь морт Чуша кукань моз дузъялан (КК)

15чушканзі

чушкысь-дойдысь морт Кариса. Кутшӧм грекъяс йылысь тэ меным долян, антикрист? А вот чушканзіыс тэ и эм. Оз весьшӧрӧ тэнӧ Чушкан Иванӧн нимтыны. Весась ме дінысь, кытчӧ мӧдін! (кывъясыс Иванлы) (В. Леканов)