Коми видчанкывъяс

1нявда

сирасьысь морт, сиргаг Лялин. Ог ме вермы мунны татысь, Вера Михайловна. Ог. Чужанінын овны да бур йӧзкӧд уджавны — медся ыджыд шуд! Вера Михайловна. Нявда! (Н. Дьяконов) Романов (Гориклы). Нявда тэ! (Ставлы.) Ті ӧд нинӧм он тӧдӧй, кутшӧм менам вӧлі олӧмыс?! (В. Леканов)

2няйт ёкмыль

эй. Вӧльдін няйтпоз, порсь кодь морт (юӧртіс Е. М. Игнатова)

3няйтӧсь ныр

зырымбедь, кага Ой, тэ он узь; нюжӧдчин Лабич вылад, куньмысьт син, Мед он аддзы тэ сьӧд жыртӧ, Да сьӧд питӧ — няйтӧсь ныртӧ, Да сьӧд роталь-гӧтыртӧ (И. Куратов)

4няйтпоз

урӧдпоз, дуркпоз / грязнуля (КРК) Мыссьӧдны колӧ няйтпозсӧ (В. Климов)

5няйт сюръя

кедзовтана, омӧльтана морт — Либӧ эн и домась Тихомиров дінас! Абу сійӧ тэныд няйт сюръя! — дӧжныштіс Лина. — Сійӧс врагӧдз уськӧдлісны, да морттуйсӧ эз воштыв, а тэ... Предатель и эм тэ! Ачым нин Валентин Леонидовичыс пыдди шуа (Г. Юшков)

6няйт шмак

эй. Помӧсдін няйтпоз, дурка олысь морт (юӧртіс А. С. Игнатова)

7нямӧд

нямлясьысь, вӧлятӧм морт, нюню / тряпка, мямля, рохля, тюфяк (о безвольном, безынициативном человеке) (КРК) Менам ӧнтая кык уткаыс вунісны. Быттьӧ пӧткаясыс асьныс корисны: «Лыйлы, лыйлы!» Быттӧ кутшӧмкӧ мути вежӧрӧс мутитіс. «Тэ нӧ нямӧд али мый? Гортад тыртӧг локтан?!» (Н. Мальцев) — Аддзан тэ тадзтӧ! Бара кодкӧ ныр увсьыд пышйӧдас, нямӧдлысь. Повтӧмӧн нин сэсся ло! — велӧдіс Самарин (Горынинӧс) (Г. Юшков) Ружьесьыд биысь моз полӧ. Абу айлов, а нямӧд (дядьыс, отчимыс) (В. Лодыгин)

8нямыр

изьв. (Кулим) слабиник, омӧлиник морт (ССКЗД, КСК)

9нянь гаг

дась вылас олысь морт, паразит — Ок тэ, нянь гаг! — букышӧн видзӧдліс Геня вылӧ десятник да налысь фамилияяссӧ гижис зептысь перйӧм книжкаӧ. — Нёль-вит пӧденна мынтан штраф, сэки велалан... (Я. Рочев)

10нянь куд

ректысь дась вылын олысь морт, иждивенеч Тайӧ сӧмын нянь куд ректысь, оз уджав (КК)

11нянь няръян

уна сёйысь, пӧтлытӧм морт, адгорш (КК) Нянь няръян ↔ нянь путшкысь, уна сёйысь (КФ)

12няр баля

низгун, бӧрдысь / неженка, плакса (КРК), век нярган морт (КК) ЖАННА. Мун, няр баля! (кывъяс Вералы) (Г. Юшков)

13няр гудӧк

низгун, бӧрдысь (КК) Няр баля, няр гудӧк, няр пась ↔ няргысь, бӧрдысь морт (КФ)

14няргун

низгун, бӧрдысь / плакса, нытик (КРК) — А Елисаыд сідзи на няргун. Чужмудорысь тай пельшӧрыс письтиасьны воліс, да пыр и шлюпкыны пондіс (Г. Юшков)

15няри

сй. низгун, бӧрдысь морт (ССКЗД, КСК)

16нярмӧм турун

лябзьӧм, омӧльтчӧм морт ВИТЯ. Мый сійӧ дуригмозыд. (Падъялӧ.) А збыльысьтӧ... ОПОНАССЯ. Мун, нярмӧм турун! Босьті да висьтаси (Мунӧ.) (Г. Юшков)

17няр пась

низгун, бӧрдысь морт (КК) ӦГРӦ. Корсянь менам мужикӧй гындейӧн лоис? Ассьыд видзӧд! Няр пась! (Насталы кывъясыс) (А. Шебырев)

18нясти купель

изьв. няйтпоз, няйтӧсь ныр

19нясти рожа

изьв. няйтпоз, няйтӧсь ныр (юӧртіс В. Рочев)