Коми видчанкывъяс

1модатӧм

эй. дик, вӧрысь петӧм, ӧбичатӧм морт (юӧртіс А.В. Шебырев)

2мокасьт

1) мути, чӧрт / чёрт мокасьтыс тӧдӧ кӧні (КРК) 2) видчанкыв — Мый нӧ тэ сэсь корсян? — Штабсьыд? Но, мокасьтӧ! Штабсьыд ӧд тӧдан, мый корсьлӧны... (И. Пыстин) — Аттӧ, мокасьтӧ! Кутшӧма нин быдмӧмыд! Тэ, тьӧзӧ, регыд нин менӧ панъян! — шмонитыштіс пӧльыс. Сэсся топӧдыштіс муса внуксӧ морӧс бердас (Э. Полякова) Воторникӧ сэсся Ёгора паніс. Мӧкасьтыд, Микол жӧ эськӧ ылӧдліс да (юны-гажӧдчыны йӧввыв лунӧ) (И. Сажин)

3мокой

мути, чӧрт / чёрт, пострел, ок ті, мокойяс! (КРК, КСК) ВОРОН. Мый лимзалан? Тьпу! (Орӧдчылӧ телефон пыр сёрниысь.) Пуктіс мокойыд трубкасӧ. Но, дона гӧтырӧй, кок шонтысьӧй, часлы ме тэкӧд мӧд ног кута варовитны (А. Ларев) Но, мокойӧ! Кӧиныслӧн вӧлӧма тай наянлуныс! (А. Одинцов)

4момо

быдл. мӧмӧт (ССКЗД, КСК)

5мор

1) мути, чӧрт / чёрт, шут 2) висьӧм вуджӧдысь / зараза (КРК) 3) видчанкыв «Васька, Васька! Клим вуж — моръяс! Уськӧді ме налысь чань!» (И. Куратов) — Но, морӧ, лӧсьыд жӧ овны таладор югыдас... — шыасис сэсся билань табак тшын пӧлялысь Степан Фёдорович (И. Торопов) «Ті радейтанныд пӧсь шаньгаяс? Ме видзӧда да, кодсюрӧ нюмъёвтісны нин. Да коді оз радейт пӧсь шаньга, кор сійӧ муртса петӧма пачысь, банйыштӧма и... нюмъялӧ, морыд!» (Л. Огнев)

6морда

мисьтӧм чужӧм, зывӧктана морт Мм... морда, мыйла эн босьт картузтӧ да чолӧмав менӧ? (С. Морозов)

7морӧн лыйӧм

лёк, абу прамӧй морт «Морӧн лыйӧмъясыд! — горзіс мамыс. — Час, лэччыланныд!» «Ми ог лэччӧй, — эльтчӧны челядь (А. Попов)

8морӧн лыян дук

эй. Помӧсдін лёк, абу прамӧй морт

9морӧн лыянтор

лёк, абу прамӧй морт Антус (гӧгӧр видзӧдӧ). Но, кӧнӧсь нӧ мутиясыс? Ук, морӧн лыянторъяс, тадзи ті и кыйӧданныд? (Нёбдінса Виттор)

10морт начкысь

мортвиысь, юрвундысь Кушманов чуймис, мый колӧ водзӧ восьлавны Визинӧ, эновтны чужан мусӧ сэк, кор потшӧс дорсянь кутшӧмкӧ детинкаяс дэльӧдчисны: «Морт начкысь, морт начкысь!» (Н. Мальцев)

11морт сёйысь

мортвиысь, лёкысь-лёк морт — Бара мыйкӧ мырддьыны! — чирӧстіс Виринея. — Мый сэсся сылы, морт сёйысьлы?! На, керышт кок пӧлӧс да ну гортад, он-ӧ пӧтлы, сьӧд чужӧм! [Яковлы кывъясыс] (Г. Юшков)

12мортысь усьӧм

неморт — Висьтав кӧть эн тіянлы, мортысь усьӧмъяслы! Подӧн эськӧ мед абу нин тувтчыштӧма... (Г. Юшков)