Коми видчанкывъяс

1выжыв

торксьӧм вежӧра пӧрысь морт, вошласьысь / потерявший память, выживший из ума старый человек (КРК) И дзик нин кӧсйис врачавны, но гӧтырыс чув моз пескыльтчис да лёкысь векыштчис: — Вешйы сэсь, выжыв!.. Чутӧдысь ветлан! Кодлы пӧлагайтчӧ, сійӧ и чуткас! (В. Безносиков)

2выжыласьысь

вежӧрӧн вошласьысь морт Лыдди ме тайӧс и мӧвпала: эз прӧстӧ гӧтыр менӧ шу выжыласьысьӧн да йӧйталысьӧн (Н. Игнатов)

3вызбылат / вызбулат

эй. Кулӧмдін, Помӧсдін ошйысьысь, ышнясьысь морт (ССКЗД, КСК)

4вылын юра

скр. вылӧ пуксьысь, вылын ныра, тшап морт (ССКЗД, КСК) Орччӧн олысь Юра Аттӧ вылын юра (В. Бабин)

5вылын юра катша

вылӧ пуксьысь, вылын ныра, тшап морт Коркӧ и нылыс быдмис, да вочасӧн мамыс кодьӧн мӧдіс лоны. Сэтшӧм жӧ чужӧм-мыгӧра, сэтшӧм жӧ шогмытӧм вытя. Жикинсянь нинӧм абу. Вылын юра катша (А. Шебырев)

6вышепаш

1) ошйысьысь морт / хвастливый, хвастунишка (КРК) 2) вылӧ пуксьысь морт, вылын ныра, гӧрдеч — Вышепашъяс! — дӧзмӧмӧн шуисны кык ныв, кодъяскӧд кык вок эз мунны танцуйтны (П. Шахов)