Коми видчанкывъяс

1баба

вӧлятӧм айлов, нямӧд мужичӧй МИТРЕЙ. Сувт! Бабакӧд воюйтан! Тэ вай меным лый. Веськыда сьӧлӧмӧ! Давай! Али киыд тіралӧ? Сідзкӧ, збыль ачыд баба! Давай! (кывъясыс Гордейлы) (А. Шебырев)

2бабича

омӧльтана ань НИНА (дзикӧдз пузьӧ). Вош татысь, бабича! Колантор тэнад кыз ныра Петеыд! (кывъяс Катялы) (А. Шебырев)

3бабник

аньяс бӧрся вӧтлысьысь айлов, кодзтӧм уж Но и бабник жӧ тэ, вевъялӧмыд нин и вомас видзӧдлыны, и тӧдмасьны. Ме тӧда сійӧ аптекаршасӧ, Люция Георгиевнаӧн шуӧны (В. Напалков)

4багай

диал. 1) немӧй, сёрниттӧм морт / немой 2) нямӧд, паныд кыв сеттӧм морт / безответный (КРК) Но синтӧммис лолӧй багай чӧвлунсьыс... (Л. Ануфриева)

5базъян

диал. кыз рушкуа морт / толстобрюхий, толстопузый (КРК)

6баквал

ошйысьысь морт / бахвал (КРК) — Ёна тай колантор — баквалыд да сӧткысьыд!.. [Калиса Ӧксен йылысь] (В. Безносиков)

7баквалитчысь

ошйысьысь морт / бахвал (КРК) Ошкыд баквалитчысь вылад уськӧдчас, ӧти коксӧ сылысь орӧдас (П. Сельков)

8бак йӧв туес

уд. ёна ошйысьысь морт

9балабол

больгысь морт, больгун Пантиль. Кута. Менӧ чеплялӧны, и ме тшӧтш чепляся. Балаболӧяс! (В. Леканов) КЛАВДИ. Но тэ и балабол... (кывъяс Мишӧлы) (Н. Обрезкова)

10балабурда

больгысь морт, сярган вома / балаболка (КРК)

11баламут

йӧзсӧ ыззьӧдысь, кампужитӧдысь морт Ӧтиыс Ёгор, мӧдыс Ӧлексей Ветошкинъяс. Кыкнаныс прамӧй баламутъяс (Н. Щукин)

12балда

йӧй морт / балда (о бестолклвом, глупом человеке) (КРК) «Ещӧ и пинясьӧ — балда пӧ. Ачыд тэ код тӧдас мый, — скӧрысь видзӧдавліс горзысь вылӧ Ким. — Яндысьтӧм син» (П. Шахов)

13балун

вильышпоз / шалун, баловник (КРК) — Кӧні тэ, балун? — шыасис пиыс дінӧ да босьтіс сійӧс кияс вылас. — Бабыны колӧ (В. Юхнин)

14баля

вӧлятӧм морт, нямӧд Домна (друг чеччыштӧ местасьыс). Сідзкӧ сійӧ эз вӧв морт, а баля. Тэ кодь жӧ нигӧна баля. Сэтшӧмъясыс да ті коддемыс сӧмын и вермӧны вузасьны морт ловъяснад... А ме морт. Гӧгӧрвоан? Ме морт! (Н. Дьяконов)

15баля син

вӧлятӧм морт, нямӧд Иван. А волас вот! Топӧдлам баля синмӧс кык кер костӧ! (Степан йылысь) (Г. Юшков)

16бандит

быдл. юрвундысь (ССКЗД) — Но и вокъяс, ха-ха-ха! Кӧч сьӧлӧма бандитъяс! (И. Пыстин)

17баруня

пӧвадитӧм, тшап ань, дрӧчка Дарья. Вот ещӧ баруня кутшӧм! Эн лок сы дінӧ! Эн мешайт сылы! (кывъяс Ульяналы) (В. Леканов)

18баръёв кока

чукля кока, варгыль кока морт / кривоногий, косолапый человек (КРК) Абу баръёв кока, абу чукля киа... (А. Ванеев)

19басюк

эй. тшаппоз, тшапитчысь, тшӧгӧль (КСК)