Комиа-роча ботаника кывкуд

василистник, видз. зарни турун, понгум

2пинь

¹ долька, зубчик (чеснока), видз. чаль³ удм. пинь ² (тшаклӧн) пластинка Вевдорыс сылӧн [мупельлӧн] дзик жӧ рыжиклӧн кодь, а увдорыс — пиньтӧм, шыльыд да еджыд, бакшасьӧма быттьӧ. И. Торопов, Тіянлы водзӧ овны. кп. пинь

3пиня гоб

подберёзовик болотный, видз. вагоб, кӧчгоб, кузь пиня гоб, небыд гоб

4пиня кор (кыдз пулӧн)

зубчатый лист кп. пиня лист, удм. пинё куар

5пиня паперт турун

многорядник копьевидный

6пиня тшак

пластинчатый гриб кп. пиня тшак

7пиня эжӧр

осока дернистая, видз. бугуюр турун

8пипу

осина Пывсянсӧ быдӧн зільӧ пипуӧн кышны. И казьтыштӧй — кутшӧм сійӧ арнас, кутшӧмӧсь рӧмъясыс! Таысь кындзи пипу бурмӧдӧ мусӧ. Сыкӧд орччӧн бурджыка быдмӧны пожӧм да коз. Кык удж — ӧти мог, «Войвыв кодзув». кп. пипу, удм. пипу

9пипуаин

осинник Нюйтмӧм вильыд потшъяс кузя вуджи пемыд ваа шор, сэтӧр корӧн сы дінысь ӧвтыштӧ – – –. Сэсся вомӧналі гырысь пожӧмъяса кос яг. Сы бӧрын заводитчисны тувсовъя лов шыысь вежӧдыштӧм нин пипуаинъяс. И. Торопов, Шуриклы шыд. кп. пипуаин, удм. пипу тэль

10пипу гар

осиновая почка Шонді пӧжӧмӧн пӧжӧ, вӧр-ваас быдлаті вӧрзис, нюдзмис-небзис, вӧрыс ёна вежджыкӧн лоис, пипу и кыдз пу гар потіс, а керка дорын быдмысь сьӧд сэтӧрлӧн весигтӧ и югыдвеж кор кодьяс нин чургӧдчисны. И. Торопов, Юль. кп. пипу гар, удм. пипу гуры

11пипудзур

скрипица кп. пипудзурк

12пипу дорӧс

осиновая опушка Арайӧдыс, кытчӧ тулыснас ветельяссӧ вӧйтлывлӧ, и кытшовтіс Виям ты йывсӧ да писькӧдчис пипу дорӧса тіль козъяинӧдыс веретя шӧрланьыс – – –. Г. Юшков, Рӧдвуж пас.

13пипу исерга

осиновая сережка кп. пипу гар, удм. пипу пучы

14пипу кор

осиновый лист И бара ми аддзам и кылам ставсӧ, дзик ставторсӧ. Лӧз енэж и тӧв улын катласьысь вӧр-пу йыв. Лежнӧг дзоридз вылын век на мырсьысь мазіӧс. Пипу коръяслысь сяльӧдчӧм. И. Торопов, Тіянлы водзӧ овны. кп. пипу лист, удм. пипу куар

15пипу кырсь

осиновая кора – – – асыв-войвылын няньыс некор оз тырмыв. Печора вылын и мукӧдлаын няньӧн тшыгӧма олӧм вӧсна тшӧкыда содтӧны пӧжасас пипу да ньыв пу кырсь. В. Трапезников, Миян край. кп. пипу кач, удм. пипу кур

16пипу леторос

осиновая поросль Медся матыс вужля дорас и сьӧдаліс мыйкӧ. Вӧлӧмкӧ, сьӧд дозмӧр шедӧма да кыскыштӧма яла вывтіыс коз понӧльысь лэчапусӧ, а сэсся гартчӧма пипу леторосӧ да бордъяссӧ паськӧдӧмӧн и кулӧма. Г. Юшков, Рӧдвуж пас. кп. пипу летӧрӧс, удм. пипу норед

17пипу ӧтрӧстель

осиновая поросль А ягыслӧн сӧмын нимыс коли — морӧссӧ тракторъясӧн парсалӧм чав лыа вылас кыдз да пипу ӧтрӧстель мӧдӧма быдмыны. Ловъя лов ни вотӧс... А. Одинцов, Дозмӧркаын.

18пипу рас

осиновая роща Пипу раскын тіралісны пипу коръяс, быттьӧ кынмисны. Быттьӧ кутшӧмкӧ тыдавтӧм ки шыблаліс Ёгорлы кок улас гӧрдӧдӧм пипу коръяс. Г. Федоров, Сиктса асыв. кп. пипу рас, удм. пипу арама

19пипу рос

осиновая поросль И Ӧндрей – – – трактор додьяс вылӧ турунсӧ чӧвтлӧ. Гӧгрӧс вылыса топыд зорӧдъяс и артмӧны – – –. Сэсся нёльнан турун додьсӧ катӧдӧ сикт горулас, пипу роскӧн нин тырӧм борйӧ, сы вӧсна мый горт дорас некытчӧ сувтӧднысӧ. Г. Юшков, Педӧр тыла.

20пипу чаль

осиновая ветка И ӧтарын, и мӧдарын лӧня дӧввидзис сораса тшем вӧр. Кыдз пуяс да пипу чальяс вылын вижӧдӧны коръяс, ньӧжйӧник, быттьӧ зарни бобувъяс, лэбалӧны сынӧдас. В. Напалков, Эзысь перна.

21пистиасян турун

шсык. одуванчик лекарственный, видз. вижъюр, пӧлясян турун, писти турун Казявлан, кор чегӧм заӧдыс [вижъюрлӧн] сӧдзтысьӧ йӧв кодь еджыд сок. А чуткавны кӧ за помнас, артмасны сэтшӧм туйяс, кодъяс кольӧны пистиӧн висьӧм бӧрын. Сы вӧсна и шуӧны: писти турун, пистиасян турун. А. Ракин, Вижъюр.

22писти турун

шсык. одуванчик лекарственный, видз. вижъюр, пӧлясян турун, пистиасян турун

23письти

скат. хвощ полевой, видз. куз, сирпинь кп. пистик

24питомник

питомник Кар сайын семинарийлӧн вӧлі куим гектар гӧгӧр питомник – – –. Сад йӧрын да питомникын велӧдчысьяс вӧчисны быдсяма уджсӧ. Торйӧн нин уна удж вӧлі питомникын, кӧні быд во вузалӧм вылӧ быдтылісны уна сюрс пу. И. Мӧсшег, Асыввывса сир пӧртйын. кп. питомник, удм. питомник