февраль
1. февраль (идалыкын кокымшо тылзыже)
Икымше февраль первое февраля.
Февраль – телын пытартыш тылзыже. «Мар. ком.» Февраль – последний месяц зимы.
Февраль лумым ӱштеш, март кӱрыштеш. Пале Февраль снег метёт, март разрывает.
2. в поз.опр. февральский (февральыште лийше, февраль дене кылдалтше)
Февраль кас февральский вечер
февраль революций февральская революция.
Февраль кече ыле. П. Корнилов Был февральский день.
февральысе
февральский; относящийся к февралю, происходящий в феврале
Февральысе поран февральские метели
февральысе событий февральские события.
федеральный
полит. федеральный (шкевуя илыше посна кугыжаныш-влакын иктыш ушнымо кугыжаныш дене кылдалтше)
Федеральный войска федеральные войска
федеральный правительстве федеральное правительство.
Федеральный закон верысе закон деч кӱшнӧ шога. Федеральные законы имеют приоритет перед местными законами (букв. федеральный закон стоит выше местных законов).
федеративный
федеративный (федераций негызеш ыштыме, федераций сынан)
Федеративный кугыжаныш федеративное государство.
федераций
полит.
1. федерация; государство (политически да юридически шкевуя илыше кугыжаныш-влакын иктыш ушнымо кугыжаныш ушемышт)
Российский Федераций Российская Федерация.
Таче посна налмаште кажне республикат, пӱтынь мемнан федерацият кызытсе цивилизацийын пеш кугу сеҥымашыжым ончыктат. «Мар. ком.» Сегодня и каждая республика в отдельности, и наша федерация в целом свидетельствуют о больших успехах современной цивилизации.
2. федерация; союз, объединение обществ, организаций и т.д.. (икмыняр организацийын ушемышт)
Профсоюз-влакын тӱнямбалсе федерацийышт Всемирная федерация профсоюзов.
Роликан коньки дене мунчалтыме шотышто национальный федерацийым ыштыме. «Мар. ком.» Создана национальная федерация по катанию на роликовых коньках.
3. в поз.опр. федеративный, федеральный; относящийся к федерации
Федераций радамыште мемнан калык-влак экономически, социально да культурно вияҥме кужу корным эртеныт. «Мар. ком.» Наши народы в составе федерации прошли долгий путь экономического, социального и культурного развития.
фейерверк
фейерверк (пайрем але кугу событий лӱмеш кавашке лӱен колтымо тӱрлӧ тӱсан тул дене йӱлышӧ наста)
Сеҥымаш Кече лӱмеш фейерверк фейерверк в честь Дня Победы.
фельдмаршал
воен. фельдмаршал (кугыжан Российысе армийыште эн кугу генерал чин)
Генерал-фельдмаршал М.И. Кутузов генерал-фельдмаршал М.И. Кутузов.
фельдфебель
воен. фельдфебель (кугыжан Российысе армийыште кугурак унтер-офицерын чинже)
Тиде жапыште лузга ӧрышан фельдфебель толын лекте. К. Васин В это время явился фельдфебель с пышными усами.
фельдшер
мед. фельдшер (кыдалаш образованиян медицина пашаеҥ, врачын полышкалышыже)
Фельдшерлан тунемаш учиться на фельдшера.
Тушто ик врач да кок фельдшер пашам ыштат. «Ончыко» Там работают один врач и два фельдшера.
Врач огыл гын, фельдшер садак лиям. «Мар. ком.» Если не врачом, то фельдшером буду обязательно.
фельдшерица
мед. фельдшерица (ӱдырамаш фельдшер)
Ялканов кайымек, иктаж шагат гычак фельдшерица толын шуо. П. Корнилов После ухода Ялканова уже через час пришла фельдшерица.
фельдшерский
мед. фельдшерский (фельдшер да тудын паша, тудым ямдылыме дене кылдалтше)
Фельдшерский курс фельдшерские курсы.
Шкеже (Высылий) ялысе фельдшерский пунктышто пашам ышта. М. Рыбаков Сама Высылий работает в сельском фельдшерском пункте.
фельдшерско-акушерский
мед. фельдшерско-акушерский (фельдшер да акушер, нунын паша, нуным ямдылыме дене кылдалтше)
Тушто (Кавказыште) Ольга фельдшерско-акушерский школышто тунемын, фельдшерица лийын. «Ончыко» На Кавказе Ольга училась в фельдшерско-акушерской школе, стала фельдшерицей.
фельетон
фельетон (иктаж-могай ситыдымашым воштыл ончыктышо мыскара статья, ойлымаш)
Оҥай фельетон интересный фельетон
пӱсӧ фельетон острый фельетон.
Ынде колхоз председатель нерген фельетоным возыман. В. Иванов Теперь надо написать фельетон о председателе колхоза.
Д. Орай шагал огыл ойлымаш ден фельетоным, кугу произведений-влакымат возен. М. Сергеев Д. Орай написал немало рассказов и фельетонов, а также большие произведения.
фельетонист
фельетонист (фельетоным возышо еҥ)
М. Шкетан фельетонист семынат палыме. М. Шкетан известен и как фельетонист.
фенолог
биол. фенолог (фенологий дене специалист)
Фенолог-влакын ончылгоч каласымышт предсказание фенологов.
Фенолог-влакын мутышт почеш, эҥер кылмыме – адакат телын палыже. А. Ермаков По словам фенологов, замерзание реки – ещё одна примета зимы.
фенологий
биол. фенология (биологийын кушкыл да чонан-влак илышыште идалыкын тӱрлӧ жапше дене кылдалтше вашталтыш-влакым тунемше ужашыже)
Ик тӱшкам фенологий авалтен: кунам пушеҥге кичке нерештеш, лышташым колта, ужарген шогалеш – эскера; але кунам, могай кайык толеш, пыжашым опта, игым луктеш. «Ончыко» Одну группу охватывает фенология: (она) наблюдает, когда у деревьев набухают почки, распускаются и зеленеют листья; или когда и какие птицы прилетают, гнездятся, выводят птенцов.
феодал
ист. феодал (феодализм саманыште озаланыше классын представительже; кугу мландым кучышо еҥ)
Феодал-шамыч шкеныштым аралаш кул-шамыч кокла гыч телохранитель-шамыч отрядым ыштеныт. «Кокла курым» Для собственной безопасности феодалы создавали из крепостных отряды телохранителей.
феодализм
ист. феодализм (капитализм деч ончычсо мер илыш радам)
Буржуазийын феодализм дене кучедалмыж годым литературжат вестӱрлӧ улмаш. О. Шабдар В эпоху борьбы буржуазии с феодализмом была иной и литература.
феодальный
ист. феодальный (феодализм, феодал дене кылдалтше)
Феодальный обществе феодальное общество.
Рабовладельческий ден феодальный строй жапыште вестӱрлӧ тӱшка – народность лектеш. А. Краснов В эпоху рабовладельческого и феодального строя появляется другая общность – народность.
ферзь
шахм. ферзь (шахмат модышышто эн виян фигур)
Ферзь дене кошташ ходить ферзём.
ферме
1. ферма; отдельное специализированное хозяйство в колхозах, совхозах (колхоз ден совхозлаште вольыкым, янлыкым, кайыкым ашныше озанлык)
Колхоз ферме колхозная ферма.
Тыште, сер ӱмбалне, колхозын сӧсна фермыже верланен. В. Сапаев Здесь, на берегу, раскинулась свиноводческая ферма колхоза.
Лиза фермыште ышта, презым онча. А. Мурзашев Лиза работает на ферме, ухаживает за телятами.
2. ферме; частное хозяйство на собственном или арендуемом земельном участке (шке але арендыш налме мландыште кучымо озанлык)
Фермын мландыже земельный участок фермы.
3. в поз.опр. фермы; относящийся к ферме
Ферме вуйлатыше заведующий фермой.
Икмыняр жап гыч ферме пашаеҥ-влак кормокухньо гыч лектыч. М. Рыбаков Через некоторое время работники фермы вышли из кормокухни.
Ферме кудывечыш миен пурымем годым вӱта ончылно ик доярка койылалтыш. Й. Ялмарий Когда я входил во двор фермы, у хлева показалась одна доярка.
фермент
биол. фермент (илыше клеткыште шочшо да организмыште вещества вашталтмашым регулироватлен шогышо органический наста)
Сырым ышташ презын мӱшкырвуштыж гыч налме фермент кӱлеш. «Мар. ком.» Для производства сыра нужен фермент, взятый из сычуга телёнка.
фермер
фермер (посна мландым шке але арендыш налше да тушто шкевуя ыштыше еҥ, ферме оза)
Ялысе рвезе фермер лие: мландым пӱчкын пуышт, машинам, тракторым нале. Ю. Артамонов Деревенский парень стал фермером: ему отвели землю, он купил машину, трактор.
фестиваль
фестиваль (искусствын иктаж-могай видше дене эртарыме тӱшка пайрем)
Калык муро фестиваль фестиваль народной песни
самырык да студент-влакын фестивальышт фестиваль молодёжи и студентов.
Районный фестивальын участникше-влак ынде республиканский фестивальлан виян ямдылалтыт. «Мар. ком.» Участники районного фестиваля сейчас усиленно готовятся к республиканскому фестивалю.
Фестивальыш кайыше-влакым саламлаш пионер-влак толыныт. «Мар. ком.» Отъезжающих на фестиваль пришли приветствовать пионеры.
фетр
1. фетр (вичкыж пеҥгыде портыш)
Фетр гыч ышташ изготовить из фетра.
2. в поз.опр. фетровый; изготовленный из фетра (фетр гыч ыштыме)
Фетр шляпа фетровая шляпа.
(Пӧръеҥын) йолыштыжо – ош фетр портышкем. С. Музуров На ногах у мужчины – белые фетровые валенки.
фехтоватлаш
Г.: фехтуяш
-ем
фехтовать (керде, рапир, шпаге дене солкалаш, шуркедылаш)
Шпаге дене фехтоватлаш фехтовать на шпагах.
Теве тыгодымак урядникын ватыже, йытырым налын, фехтоватлаш тӱҥалын. С. Чавайн Жена урядника тут же, взяв скалку, начала фехтовать.
О сайте
Инструкция