мостовик, мостостроитель
Кӱварзе-влак пашам сайын ыштат (МЭ). Стахановец-кӱварзе курыкмарий патыр Марк Кондратьев деч тӱҥалын (МЭ)
соединить, связать (мостом)
Йошкар-Ола кӱварлен Какшанын кок сержым (Ф.И.). Йылмыже дене тудо теҥызым кӱварла.
половик, дорожка
Чыла лавыран вургемым, окна, пырдыж-влакым, кӱваршартышым, эсогыл шӱчан кӧршӧк кучымо шовычым мушкын (Ф.И.)
праща
Саде-шамычым (тушманым) кӱгерем дене кырен сеҥен (Ю.Г.)
мощёная дорога
Эше шукерте огыл гына Шернур марте лакылан кӱгорно веле ыле, таче тыште тасма гай шуйналтше тӧр асфальт.
утёс
Юлдӱрыштӧ уло ик кӱгурык, регенче дене тудо йыр вӱдылалтын.
вышина
Кӱгышыштӧ чоҥешташ. Кӱгыш гыч мӱндыркӧ коеш.
могущество, всемогущество
Марш кӱдырат деч виян аза малтыме муро (В.К.)
могучий, всемогущий, всесильный, величественный
Кӱдыратле чап. Кӱдыратле рашкалтыш. Кӱдыратле музык. Эй, шошо кӱдырчӧ, таче от керт кӱдыртен гын, ит вожыл: таче мемнан мурына тый дечет кӱдыратле тугат (В.К.)
торжественно-звонкий
Кенета колонно вуйышто оркестр кӱдыратле-йоҥгата маршым йоҥгалтарен колтыш (Пӱр.)
опасность, угроза
Таче кече пеш пелта, кӱдырчӧ-волгенчым вучо.
наблюдение (ММ), слежение
Кӱдыш пагыт толын шуынат, эр кынелын, чодыраш лектын каен.
утолщение; утолщённый
Пырдыж кӱжгемеш ишкым перен шындышым. Вӱргорнышто кӱжгем вер шочын.
тугоухий
Кӱжгывылышан еҥ, сайын ок кол (Ӧ.Б.)
толстокожий
Кӱжгыговаштан еҥ, кӧ мом ок ойло, ок ыште (Ӧ.Б.)
бесчувственный, апатичный, флегматичный, равнодушный
Кӱжгычонан еҥ. Кӱжгычонан имне. Кӱжгычонан айдеме ок тарване вашке, чыла киндыже шӱеш гынат, ок ойгыро (Ӧ.Б.)
привычка
Кӱжымыш пурен. Кӱжым шочын. Эрдене капым тодыштмаш жап эртыме семын кӱжымыш пурыш.
привыкать
Ондакше тудым чытен ом керт ыле, ынде кӱжымынам, ужмашат уке.
привыкание
Тамак дек кӱжыммаш. Аракалан кӱжыммаш.
остриё ножа
Оҥышкыжо кӱзынерым шуралтыш.
рост, прирост, приумножение
Тений кӱзыш уло мӱкшын (Ӧ.Б.). Кӱзыш тений пеш сай, шуко мӱйым налме (Ӧ.Б.). Ялозанлыкыштат кӱзыш кояш тӱҥалын изиш.
урожайный, с приростом, с прибылью
Тений кӱзышан ий лие.
высь, высота
Курык кӱкшыкыш нӧлталташ. Турий мурымо кӱкшык гыч мӱндыркӧ коеш. Куткыж кугу кӱкшыкыштӧ чоҥештыл кертеш.
уровень
Марий йылмышанче XX курым мучаште тӱнямбал кӱкшытыш нӧлталтын.
ненужность, пустяк, мелочь
Вик ойлаш гын, З. Красновын сборникыштыже йылмым лугымо, шомакым кӱлеш-огыллан сусыртымо шагалрак шижалтеш (В.К.)
требуемый, необходимый
Кӱлешле документ-влакым погаш. Эреак лывырге кыдалже кӱлешле сомылжым шукта: лектеш садлан лӱман пыдалше (В.Д.-О.)
существенный, значимый
Кӱллӧ компонент. Кӱллӧ аргумент. Кӱллӧ пашаеҥ. Марий литератур йылме калыкын кӱллӧ кылгучем йӧнышкыжӧ савырнен (МЛИ)
башня
Нуным когыньыштымат кӱмеҥге кӧргыш пуртен шындышт. Малыше Вачий йыр кӱмеҥге опталтеш (Ю.Г.). Кӱмеҥге кӧргыш еҥым петырат (Ӧ.Б.)
окопаться
(Командир) приказым пуыш: рокыш кӱнчалташ, оборонылан позицийым ышташ (Ф.М.)
рудник
Кӱртньӧ, Сибирь кӱнчемыште шочшо, пӧртылын тушкак, рестан шинчыр лийын (В.К.)
раскопка
Археологий кӱнчык.
пух, ворс, волосинки
Вынер кӱпш мамык гане, куымо годым вурт йымак йога (Ӧ.Б.). Кӱреш умыр мардеж арама уа кӱпшым (Ӧ.Б.)
мягкий, пухлый
Кӱпшака кӱпчык. Кӱпшака олым. Кӱпшака мланде, тошкалат, да йол вола.
мягко (без давления)
Ложашым кӱпшакан опто, ит теме (Ӧ.Б.)
ворсистый, махровый
Кӱпшан шӱртӧ. Кӱпшан оҥа (пужарыме огыл). Кӱпшан вынер. Кӱпшан солык (Ӧ.Б.)
соглашение, договорённость о чём-л.
Тидын нерген тетла нигунам ойлаш огына тӱҥал манын, кӱрлышым ыштышна (кидым кӱрлна)
железная дорога
Моско ‒ Петербург кӱртньыгорнышто аварий лийын (Куг.)
железнодорожник
Кӱртньыгорнызо-влак корным олмыктат.
железнодорожный
Кӱртньыгорнысо правил.
железная печка, буржуйка
Пӧрт пеш шӱкшӱ, кӱртньыгоҥгаш олтыман (С.Э.)
кольчуга
Сарзе кӱртньыдувырым вынер дене алмаштыш (В.К.)
когти (монтёрские)
Монтёр ‒ мыланемат палыме профессий. Кӱртньыйол дене линий мучко кошталтын (Ю.Г.)
чёрная металлургия
Индустриализаций жапыште элыштына кӱртньыозанлык чот нӧлталт кайыш.
железная руда
Катырган-влак мланде йымач кӱртньырокым луктыт.
шлак; окалина
Каврий ала-кушто кӱртньышурым муын кондыш да пӧртымат чоҥен шындыш. Кӱртньым таптыме годым апшатын чӧгытшӧ йымач кӱртньышур йырвелыш шыжалтеш.
перебои в чём-л. (в снабжении, обеспечении, учёбе и т.д.)
Ялыш Роҥго могырым пураш ок лий, сандене сатум кондаш ок лий, поснак кинде дене кӱрылтыш лиеда (МЭ)
долг, заём
Кӱсем уке. Кӱсеш налаш. Кӱсеш пуэм.
денежные средства, капитал
Тыгай пӧртым чоҥаш кугу кӱсенвундо кӱлын.
рулить лодку
(Колызо) серыш кӧтырем салкым кӱсменла (Онч.)
О сайте
Инструкция